ദക്ഷിണാഫ്രിക്കയുമായുള്ള ഇന്ത്യയുടെ രണ്ടാം മത്സരത്തില് ദുരന്തമായി മാറിയ ഇന്ത്യന് കീപ്പിങ്ങിന് പരിഹസിച്ച് നിരവധി പേരാണ് സോഷ്യല് മീഡിയിയല് രംഗത്തു വന്നത്. ടീമിലുണ്ടായിരുന്ന വൃദ്ധിമാന് സാഹയ്ക്ക് പരിക്കേറ്റതോടെ പാര്ത്ഥിവ് പട്ടേലായിരുന്നു വിക്കറ്റ് കീപ്പര് ഗ്ലൗ അണിഞ്ഞിരുന്നത്. എന്നാല്, എന്നാല് സ്ലിപ് ഫീല്ഡര്മാരുമായുള്ള ആശയക്കുഴപ്പം കാരണം നിരവധി പിഴവുകളാണ് പാര്ഥിവ് വരുത്തിയത്.
ഇതോടെ, മുഷ്താഖ് അലി ക്രിക്കറ്റില് കളിച്ചുകൊണ്ടിരുന്ന ദിനേശ് കാര്ത്തികിനെ മൂന്നാം ടെസ്റ്റിനായി ദക്ഷിണാഫ്രിക്കയിലേക്ക് വിളിച്ചിട്ടുമുണ്ട്. എന്നാല്, ഇതിന്റെയൊന്നും ആവശ്യമില്ല, ധോണി തിരിച്ചെത്തിയാല് മതിയെന്നാണ് ആരാധകര് ആവശ്യപ്പെടുന്നത്. ടെസ്റ്റ് ക്രിക്കറ്റില് നിന്നും വിരമിച്ച ധോണി വീണ്ടും തിരിച്ചെത്തണമെന്നാണ് ആഗ്രഹമെന്ന സാക്ഷാല് സുനില് ഗവാസ്ക്കറും വ്യക്തമാക്കിയതോടെ ആരാധകര് ധോണിയുടെ തിരിച്ചുവരവിനായി മുറവിളി കൂട്ടുകയാണ്.
Read more
ലോക ക്രിക്കറ്റില് ഏറ്റവും മികച്ച വിക്കറ്റ് കീപ്പര്മാരില് ഒരാളായ ധോണി 2014നാണ് ടെസ്റ്റില് നിന്നും വിരമിച്ചത്. ക്യാപ്റ്റെന്ന രീതിയിലും വിക്കറ്റ് കീപ്പര് എന്ന രീതിയിലും ധോണിയുടെ മികവിന് പകരക്കാരനില്ലെന്നാണ് പൊതുവെയുള്ള വിലയിരുത്തലുകള്. പരിചയസമ്പത്തുള്ള ധോണിയുടെ സാന്നിധ്യം ഇന്ത്യന് ടീമിന് കൂടുതല് ഗുണം ചെയ്യുമെന്നും ഗവാസ്ക്കര് വ്യക്തമാക്കി.