രാഹുല്‍ ദ്രാവിഡ് ഒഴിഞ്ഞതോടെ ഇന്ത്യയുടെ പരിശീലന സ്ഥാനം ഏറ്റെടുത്തിരിക്കുകയാണ് ഗൗതം ഗംഭീര്‍. പരിശീലകനെന്ന നിലയില്‍ ഗംഭീറിന്റെ ആദ്യ അസൈന്‍മെന്റ് ശ്രീലങ്കന്‍ സീരിയസ് ആണ്. എന്നാല്‍ നിലവില്‍ ടീമിലെ സപ്പോര്‍ട്ടിങ് സ്റ്റാഫിനെ തിരഞ്ഞെടുക്കുക എന്ന ദൗത്യമാണ് ഗംഭീര്‍ ഇപ്പോള്‍ ചെയ്യുന്നത്. എന്നാല്‍ തുടക്കത്തിലെ തന്നെ ഗംഭീര്‍-ബിസിസിഐ ചിന്തകള്‍ തമ്മില്‍ യോജിക്കുന്നില്ല എന്നാണ് റിപ്പോര്‍ട്ടുകള്‍.
തനിക്കൊപ്പം കൊല്‍ക്കത്ത നൈറ്റ് റൈഡേഴ്‌സില്‍ ഉണ്ടായിരുന്ന ബാറ്റിംഗ് പരിശീലകനായ മലയാളി അഭിഷേക് നായരേ നിയമിക്കാന്‍ ആണ് ഉദ്ദേശിക്കുന്നത്. ബോളിംഗ് കോച്ചായി മുന്‍ ഇന്ത്യന്‍ താരം വിനയ് കുമാറിനെ ഗംഭീര്‍ നിര്‍ദ്ദേശിച്ചതായിട്ടാണ് റിപോര്‍ട്ടുകള്‍ ഉണ്ട്. എന്നാല്‍ ബിസിസിഐക്ക് ഇവര്‍ രണ്ടു പേരുടെയും കാര്യത്തില്‍ താല്പര്യ കുറവുണ്ട്.
അതോടൊപ്പം ജോണ്‍ടി റോഡ്സിനെ ഫീല്‍ഡിംഗ് പരിശീലകനാക്കാന്‍ ഗംഭീര്‍ അഭ്യര്‍ത്ഥിച്ചതായും എന്നാല്‍ ആ അഭ്യര്‍ത്ഥനയും ബോര്‍ഡ് നിരസിച്ചതായി റിപ്പോര്‍ട്ടുണ്ട്. തുടക്കത്തിലേ ഈ സ്വര ചേര്‍ച്ചയില്ലായ്മ മുന്നോട്ട് കാര്യങ്ങള്‍ കുഴപ്പത്തിലാക്കുമോ എന്ന ആശങ്കയിലാണ് ആരാധകര്‍.
ടീം ഇന്ത്യയ്ക്കൊപ്പമുള്ള ഗംഭീറിന്റെ ആദ്യ അസൈന്‍മെന്റ് ജൂലൈ അവസാനം ഷെഡ്യൂള്‍ ചെയ്യുന്ന ശ്രീലങ്കന്‍ പര്യടനത്തോടെ ആരംഭിക്കും, മൂന്ന് വീതം ഏകദിന ടി20കളാണ് ഇന്ത്യ ലങ്കയില്‍ കളിക്കുക.
Read more
