ബ്രിസ്ബേനിലെ ഗാബയില്‍ ഓസ്ട്രേലിയയും ഇന്ത്യയും തമ്മിലുള്ള മൂന്നാം ടെസ്റ്റിന് ശേഷം ഇന്ത്യന്‍ താരം രവിചന്ദ്രന്‍ അശ്വിന് അന്താരാഷ്ട്ര ക്രിക്കറ്റില്‍ നിന്ന് അപ്രതീക്ഷിത വിരമിക്കല്‍ പ്രഖ്യാപിച്ചു. അശ്വിന് കളി കളിച്ചില്ലെങ്കിലും വിരമിക്കാന്‍ നേരത്തെ തന്നെ തീരുമാനിച്ചിരുന്നു.
താരത്തിന്റെ ഈ അപ്രതീക്ഷിത പ്രഖ്യാപനത്തിന് പിന്നാലെ ക്രിക്കറ്റ് ലോകം ഞെട്ടി. ബ്രിസ്ബേനിലെ സമനിലയില്‍ നിരാശരായ ഓസ്ട്രേലിയന്‍ താരങ്ങള്‍ പോലും ഇതിഹാസമായ ഓഫ്സ്പിന്നറെക്കുറിച്ച് സംസാരിക്കുകയും താരത്തിന് ആശംസകള്‍ നേരുകയും ചെയ്തു.
ഓസ്ട്രേലിയയുടെ ഗോട്ട് സ്പിന്നര്‍ നഥാന്‍ ലിയോണ്‍ വിരമിക്കലിന് ശേഷം ഇന്ത്യന്‍ സഹതാരം രവിചന്ദ്രന്‍ അശ്വിന് ഹൃദയംഗമമായ ആശംസകള്‍ നേരുകയും താരത്തെ ലോകത്തിലെ ഏറ്റവും മികച്ച സ്പിന്‍ ബൗളര്‍മാരില്‍ ഒരാളെന്ന് വിശേഷിപ്പിക്കുയും ചെയ്തു.
രവിചന്ദ്രന്‍ അശ്വിനോട് ബഹുമാനമല്ലാതെ മറ്റൊന്നുമില്ല. കളത്തിലും പുറത്തും അദ്ദേഹത്തിന്റെ കഴിവ് അവിശ്വസനീയമാണ്. വ്യത്യസ്തമായ കാര്യങ്ങളില്‍ ഞങ്ങള്‍ക്ക് വ്യത്യസ്ത അഭിപ്രായങ്ങളുണ്ട്. എന്നിരുന്നാലും അശ്വിനെപ്പോലെയുള്ള ഒരു ബോളറുമായി ആ സംഭാഷണങ്ങള്‍ നടത്തുന്നത് അതിശയകരമാണ്- ലിയോണ്‍ ഫോക്‌സ് ക്രിക്കറ്റിനോട് പറഞ്ഞു.
ഗബ്ബയിലെ പ്ലെയിംഗ് ഇലവനില്‍ അശ്വിന്റെ അസാന്നിധ്യത്തെക്കുറിച്ച് ചോദിച്ചപ്പോള്‍ നഥാന്‍ ലിയോണ്‍ തന്റെ അത്ഭുതം പ്രകടിപ്പിച്ചു. തന്റെ ടെസ്റ്റ് കരിയറില്‍ 500-ലധികം വിക്കറ്റുകള്‍ നേടിയിട്ടുള്ള ഏറ്റവും മികച്ച സ്പിന്നര്‍മാരില്‍ ഒരാളാണ് അശ്വിനെന്നാണ് അദ്ദേഹം വിശേഷിപ്പിച്ചത്.
