ഇന്ത്യന്‍ ക്യാപ്റ്റന്‍ രോഹിത് ശര്‍മ്മ ടെസ്റ്റ് ക്രിക്കറ്റിലെ തന്റെ ഭയാനക അവസ്ഥയെയാണ് അഭിമുഖീകരിക്കുന്നത്. ഇത് റെഡ്-ബോള്‍ ക്രിക്കറ്റിലെ അദ്ദേഹത്തിന്റെ കരിയറിനെ ചോദ്യം ചെയ്യാന്‍ നിരവധി ആളുകളെ പ്രേരിപ്പിച്ചു. ഈ ചര്‍ച്ചകളില്‍ പ്രതികരിച്ച് ഇന്ത്യന്‍ ഇതിഹാസം സുനില്‍ ഗവാസ്‌കര്‍, ഇപ്പോള്‍ നടന്നുകൊണ്ടിരിക്കുന്ന ബോര്‍ഡര്‍-ഗവാസ്‌കര്‍ ട്രോഫി അവസാനിച്ചതിന് ശേഷം ഹിറ്റ്മാന്‍ വിരമിക്കല്‍ നടത്തിയേക്കുമെന്ന് സൂചിപ്പിച്ചു.
ഗാബ ടെസ്റ്റ് സമനിലയില്‍ അവസാനിച്ചു. ഇന്ത്യന്‍ ടീമിലെ മുന്‍നിര ബാറ്റ്സ്മാന്‍മാര്‍ക്ക് ഇതുവരെ പരമ്പരയില്‍ കാര്യമായ സ്വാധീനം ചെലുത്താനായില്ല. കഴിഞ്ഞ മൂന്ന് ഇന്നിംഗ്‌സുകളില്‍ യഥാക്രമം മൂന്ന്, ആറ്, പത്ത് റണ്‍സ് നേടിയ രോഹിത് ശര്‍മ്മയാണ് പരമ്പരയില്‍ മോശം പ്രകടനം തുടരുന്നവരില്‍ ഒന്നാമന്‍. താരത്തിന്റെ ഫോമിനെക്കുറിച്ച് അഭിപ്രായപ്പെട്ട സുനില്‍ ഗവാസ്‌കര്‍, വരും മത്സരങ്ങളിലും സ്‌കോര്‍ ചെയ്യാനായില്ലെങ്കില്‍ താരം നായക സ്ഥാനത്തുനിന്ന് സ്വയം ഒഴിയുമെന്ന് പറഞ്ഞു.
അടുത്ത രണ്ട് മത്സരങ്ങളില്‍ രോഹിത്തിന് കളിക്കാനുള്ള അവസരം ലഭിക്കുമെന്ന് ഞാന്‍ കരുതുന്നു, അത് ഉറപ്പാണ്. പക്ഷേ, അവസാനം, അവന്‍ റണ്‍സ് നേടിയില്ലെങ്കില്‍, അവന്‍ തന്നെ ആ തീരുമാനം എടുക്കുമെന്നാണ് എന്റെ തോന്നല്‍.
അവന്‍ വളരെ മനഃസാക്ഷിയുള്ള ഒരു ക്രിക്കറ്റ് കളിക്കാരനാണ്. ടീമിന് ഒരു ഭാരമാകാന്‍ അവന്‍ ആഗ്രഹിക്കുന്നില്ല. ഇന്ത്യന്‍ ക്രിക്കറ്റിനെ വളരെയധികം ശ്രദ്ധിക്കുന്ന ഒരു ക്രിക്കറ്റ് കളിക്കാരനാണ് അദ്ദേഹം. അതിനാല്‍ അടുത്ത രണ്ട് മത്സരങ്ങളില്‍ അദ്ദേഹം റണ്‍സ് നേടിയില്ലെങ്കില്‍, അദ്ദേഹം തന്നെ സ്ഥാനമൊഴിയുമെന്ന് ഞാന്‍ കരുതുന്നു- ഗവാസ്‌കര്‍ കൂട്ടിച്ചേര്‍ത്തു.