ഇപ്പോൾ നടക്കുന്ന ബോർഡർ ഗവാക്സർ ട്രോഫിയിൽ സമ്പൂർണ അധിപത്യവുമായി ഓസ്‌ട്രേലിയ. ഗാബ്ബയിലെ പച്ചപ്പ് നിറഞ്ഞ പിച്ചിലും ഓസ്‌ട്രേലിയൻ ബാറ്റർമാർ ഗംഭീര പ്രകടനമാണ് കാഴ്ച വെച്ചത്. ഇന്ത്യക്ക് വേണ്ടി ജസ്പ്രീത് ബുംറ ഒഴിച്ച് ബാക്കിയുള്ളവർ മോശമായ പ്രകടനമാണ് നടത്തിയത്. രണ്ടാം ദിനം അവസാനിച്ചപ്പോൾ ഓസ്‌ട്രേലിയ 405/7 എന്ന നിലയിലാണ് നിൽക്കുന്നത്.
ഇന്നത്തെ മത്സരത്തിൽ ഇന്ത്യൻ ബോളിങ് യൂണിറ്റ് സമ്പൂർണ പരാജയമായിരുന്നു. പരമ്പരയിൽ ഉടനീളം സ്ഥിരതയാർന്ന പ്രകടനം കാഴ്ച വെക്കുന്ന താരം ജസ്പ്രീത് ബുംറ മാത്രമാണ്. ബാക്കിയുള്ള പേസ് ബോളർമാർക്കോ സ്പിൻ ബോളേഴ്സിനൊ യാതൊരു വിധത്തിലുള്ള ഇമ്പാക്റ്റും ടീമിനായി ഉണ്ടാക്കാൻ സാധിക്കുന്നില്ല.
അവസാനം കളിച്ച മൂന്നു ടെസ്റ്റ് പരമ്പരകളിൽ 79 ഓവറുകളിലായി ജസ്പ്രീത് ബുംറ നേടിയത് 12.17 ശരാശരിയിൽ 17 വിക്കറ്റുകളാണ്‌. എന്നാൽ ബാക്കി വരുന്ന ഇന്ത്യൻ ബോളർമാരാകട്ടെ 222.5 ഓവറുകളിൽ 42.85 ശരാശരിയിൽ 20 വിക്കറ്റുകൾ മാത്രമേ നേടിയിട്ടുള്ളു. ഇത് തീർത്തും നാണംകെട്ട സ്റ്റാറ്റിസ്റ്റിക്‌സ് ആണെന്നാണ് ആരാധകരുടെ വിലയിരുത്തൽ.
നിലവിലെ സാഹചര്യത്തിൽ ലോക ടെസ്റ്റ് ചാമ്പ്യൻഷിപ്പ് ഫൈനലിലേക്ക് ഇന്ത്യ കയറുന്നതിന് വേണ്ടിയുള്ള സാധ്യത വളരെ കുറവായിരിക്കുകയാണ്. മികച്ച പ്രകടനമാണ് ഓസ്‌ട്രേലിയ ട്രോഫിയിൽ നടത്തി വരുന്നത്. ഇന്ത്യക്ക് ഫൈനൽ പ്രവേശനം സാധ്യമാകണമെങ്കിൽ ഇനിയുള്ള മൂന്ന് ടെസ്റ്റ് മത്സരങ്ങളും വിജയിക്കണം.