ഇതിഹാസമായ ദക്ഷിണാഫ്രിക്കൻ ബാറ്റർ എബി ഡിവില്ലേഴ്‌സ് ക്രീസിലെ തൻ്റെ നിശ്ചയദാർഢ്യത്തിന് മാത്രമല്ല തൻ്റെ അസാമാന്യമായ പവർ ഹിറ്റിംഗിലൂടെ ബൗളർമാരുടെ പേടി സ്വപ്നമായി മാറിയ താരമാണ്. തന്റെ ദിവസം ഏത് ബൗളിംഗ് ആക്രമണവും തകർക്കാൻ അദ്ദേഹത്തിന് കഴിയും. ഇങ്ങനെയുള്ള താരത്തിന് എന്തെങ്കിലും തരത്തിലുള്ള ദൗർബല്യം ഉണ്ടോ?
ഇതുമായി ബന്ധപ്പെട്ട് ബാംഗ്ലൂരിൽ അദ്ദേഹത്തിന്റെ സഹതാരമായിരുന്ന പാർഥിവ് പട്ടേൽ താരത്തിന്റെ ദൗർബല്യത്തെക്കുറിച്ച് സംസാരിച്ചിരിക്കുകയാണ്. ഡിവില്ലിയേഴ്‌സിൻ്റെ കാര്യം വരുമ്പോൾ, ബോളർമാരുടെ പറുദീസയായ സ്ഥലങ്ങളിൽ പോലും ഡിവില്ലേഴ്‌സിന് ഭയം ഇല്ലെന്ന് അദ്ദേഹം പറഞ്ഞു.
ദക്ഷിണാഫ്രിക്കൻ ഇതിഹാസം മികച്ചവൻ ആണെന്ന് പറഞ്ഞ ഇന്ത്യൻ താരം അദ്ദേഹത്തെ പുറത്താക്കാനുള്ള വഴിയും പറഞ്ഞു. എബി ഡിവില്ലിയേഴ്സിന് ബുദ്ധിമുട്ടിക്കുന്ന പിച്ചല്ലെന്ന് സൂചന നൽകി, : “ഒരു വഴിയുമില്ല അവനെ പുറത്താക്കാൻ. ഫൈനൽ മത്സരമോ നോക്കൗട്ട് മത്സരമോ എന്ന് അവനോട് പറയുക . ചിലപ്പോൾ അത് കേൾക്കുമ്പോൾ അവൻ വീണേക്കാം”
നോക്കൗട്ട് മത്സരങ്ങൾ വരുമ്പോൾ സൗത്താഫ്രിക്കൻ ടീമിന് ഉള്ള ദൗർബല്യമാണ് പാർഥിവ് പട്ടേൽ ഉദ്ദേശിച്ചത്.