Connect with us
https://southlive.in/wp-content/uploads/2018/08/728-x-90-pix.jpg

CRICKET

ഭാഗ്യതാരം തിരിച്ചെത്തുന്നു, ബ്ലാസ്‌റ്റേഴ്‌സിന് ആശ്വാസം

, 3:06 pm

ഐഎസ്എല്ലില്‍ ആദ്യ നാലിലെത്താന്‍ പൊരുതുന്ന കേരള ബ്ലാസ്റ്റേഴ്‌സിനെ തേടി ഒരു സന്തോഷ വാര്‍ത്ത. ബ്ലാസ്‌റ്റേഴ്‌സ് നിരയില്‍ ഭാഗ്യ താരം എന്ന വിശേഷണത്തിന് ഉടമയായ ദീപേന്ദ്ര നേഗി ബ്ലാസ്റ്റേഴ്‌സ് നിരയിലേക്ക് തിരിച്ചെത്തുന്നു.

നേഗി തന്നെ ഇക്കാര്യം സോഷ്യല്‍ മീഡിയയിലൂടെ ആരാധകരെ അറിയിച്ചു കഴിഞ്ഞു. കേരള ബ്ലാസ്റ്റേഴ്‌സും ഇക്കാര്യം സ്ഥിരീകരിച്ചിട്ടുണ്ട്. നേരത്തെ താരം തന്നെ തന്റെ പരിക്ക് ഗുരുതരമല്ലെന്ന് വെളിപ്പെടുത്തിയിരുന്നു.

കേരള ബ്ലാസ്റ്റേഴ്‌സ് അടുത്തിടെയാണ് നേഗിയെ ടീമിലെത്തിച്ചത്. ഡല്‍ഹിക്കെതിരെ നടന്ന മത്സരത്തില്‍ ബ്ലാസ്റ്റേഴ്സിന്റെ ജയത്തില്‍ നിര്‍ണായക താരമായതും നേഗിയായിരുന്നു.

അതുവരെ ടീമില്‍ അവസരം കിട്ടാതിരുന്ന നേഗി ഡല്‍ഹിയ്ക്കെതിരെ ഇറങ്ങി ഒരു ഗോളടിക്കുകയും വിജയ ഗോളിന് വഴിയൊരുക്കുകയും ചെയ്തിരുന്നു. ഇതോടെ ആരാധകരുടെ പ്രിയതാരമായി നേഗി മാറി. ബ്ലാസ്റ്റേഴ്‌സിന്റെ ഭാഗ്യതാരമെന്നാണ് നേഗിയെ പിന്നീട് ആരാധകര്‍ വാഴ്ത്തിയത്.

ഇതിന് പിന്നാലെയാണ് പുണെ സിറ്റിക്കെതിരായ മത്സരത്തിന് മുന്നോടിയായി നടന്ന പരിശീലനത്തില്‍ താരത്തിന് പരിക്കേറ്റതും പിന്നീട് കളിക്കാതിരുന്നതും. നേഗി പുറത്ത് വിട്ട ചിത്രം താരം ഇനിയൊരിക്കലും ടൂര്‍ണ്ണമെന്റില്‍ കളിക്കില്ലേ എന്ന ആശങ്ക ഉളവാക്കുന്നതായിരുന്നു. ഇതിനാണ് ഇപ്പോള്‍ നേഗി തന്നെ ഉത്തരം നല്‍കിയിരിക്കുന്നത്.

17ാം തീയ്യതി നോര്‍ത്ത് ഈസ്റ്റിനെതിരെയാണ് ബ്ലാസ്‌റ്റേഴ്‌സിന്റെ അടുത്ത മത്സരം. പ്ലേഓഫ് സാധ്യത നിലനിര്‍ത്തണമെങ്കില്‍ ബ്ലാസ്റ്റേഴ്സിന് മത്സരത്തില്‍ മികച്ച പ്രകടനം കാഴ്ച്ചവെക്കണം

Advertisement