ഇന്ത്യന്‍ താരം ജസ്പ്രീത് ബുംറയേക്കാള്‍ മികച്ച ഫാസ്റ്റ് ബോളര്‍ പാകിസ്താന്റെ യുവ പേസ് സെന്‍സേഷന്‍ നസീം ഷായാണെന്നു യുവ പാക് ബോളര്‍ ഇഹ്സാനുള്ള. പ്രതിഭയുടെ അടിസ്ഥാനത്തില്‍ രണ്ടു പേരെയും വിലയിരുത്തിയാല്‍ ബുറയേക്കാള്‍ മുകളിലായിരിക്കും നസീമിന്റെ സ്ഥാനമെന്നും യുവതാരം പറഞ്ഞു.
കളിക്കളത്തിലെ ഇപ്പോഴത്തെ പ്രകടനത്തിന്റെ പേരില്‍ ബുംറയാണ് ഏറ്റവും കേമനെന്നു ഞാന്‍ പറയില്ല. 2022ലെ ഐസിസി ടി20 ലോകകപ്പില്‍ നസീം ഷായും ഗംഭീര പ്രകടനമാണ് പാകിസ്ഥാന്‍ ടീമിനായി കാഴ്ചവച്ചത്. ഒരു വര്‍ഷം മറ്റൊരാള്‍ നന്നായി അത്രനന്നായി പെര്‍ഫോം ചെയ്തില്ലെന്നത് അത്ര വിഷയമല്ല. നസീം തന്നെയാണ് ഇപ്പോഴും ബുംറയേക്കാള്‍ കേമനെന്നു ഞാന്‍ ഉറച്ചു വിശ്വസിക്കുന്നു- ഇഹ്സാനുള്ള പറഞ്ഞു.
ഐസിസി ടി20 ലോകകപ്പില്‍ ഇന്ത്യയുടെ കിരീട നേട്ടത്തില്‍ ബുംറയുടെ പ്രകടനം നിര്‍മായകമായിരുന്നു. ടൂര്‍ണമെന്റില്‍ 15 വിക്കറ്റുകളാണ് താരം വീഴ്ത്തിയത്. ഈ മികച്ച പ്രകടനത്തിന് പ്ലെയര്‍ ഓഫ് ദി ടൂര്‍ണമെന്റും താരത്തെ തേടിയെത്തിയിരുന്നു.
പാകിസ്ഥാന്‍ പേസ് നിരയിലെ ഭാവി സൂപ്പര്‍ താരമായി വിലയിരുത്തപ്പെട്ട താരമാണ് നസീം ഷാ. എന്നാല്‍ പരിക്ക് താരത്തിന്‍രെ കരിയറിനെ കാര്യമായി ബാധിച്ചിട്ടുണ്ട്. പരിക്ക് മാറി തിരിച്ചെത്തിയ താരത്തിന് ബോളിംഗില്‍ പഴയതു പോലെയൊരു ഇംപാക്ടുണ്ടാക്കാന്‍ കഴിയുന്നില്ല.