Connect with us
https://southlive.in/wp-content/uploads/2018/08/728-x-90-pix.jpg

CRICKET

ഇന്നലത്തെ മത്സരത്തില്‍ പിറന്നത് നിരവധി റെക്കോഡുകള്‍; കോഹ്‌ലിയ്ക്ക് വെല്ലുവിളിയുയര്‍ത്തി ബട്‌ലര്‍

, 4:20 pm

ഒരു ഘട്ടത്തില്‍ തുടരെ തോല്‍വികളുമായി വലഞ്ഞ രാജസ്ഥാന്‍ വിജയവഴിയിലേക്ക് തിരിച്ചെത്തിയത് ഇംഗ്ലണ്ട് താരം ജോസ് ബട്ട്‌ലറുടെ മികവിലാണ്. ടീമിന്റെ ബാറ്റിംഗ് നട്ടെല്ലായി താരം മാറുകയായിരുന്നു. ഇന്നലെ കൊല്‍ക്കത്തയ്‌ക്കെതിരായ മത്സരത്തില്‍ 22 ബോളില്‍ നിന്ന് 39 റണ്‍സെടുത്ത ബട്‌ലര്‍ തന്നെയായിരുന്നു രാജസ്ഥാന്റെ ടോപ് സ്‌കോറര്‍. എന്നാല്‍ മത്സരത്തില്‍ കൊല്‍ക്കത്ത ആറ് വിക്കറ്റിന് പരാജയപ്പെടുകയായിരുന്നു.

ഇന്നലത്തെ മത്സരത്തില്‍ ബട്‌ലര്‍ ചില റെക്കൊഡുകളും സ്വന്തമാക്കിയിരുന്നു. തുടര്‍ച്ചയായ ആറ് ഇന്നിംഗ്‌സുകളില്‍ നിന്ന് ബട്‌ലര്‍ സ്വന്തമാക്കിയത് 428 റണ്‍സാണ്.ഇത്രയും മത്സരങ്ങളില്‍ നിന്ന് 432 റണ്‍സ് സ്വന്തമാക്കിയ വിരാട് കോഹ്‌ലി മാത്രമാണ് ബട്‌ലര്‍ക്കു മുന്നിലുള്ളത്.2014 സീസണിലായിരുന്നു വിരാടിന്റെ നേട്ടം.

ഒരോവറിലെ എല്ലാ ബോളുകളും ബൗണ്ടറി കടത്തുന്ന ലീഗിലെ എട്ടാമത്തെ മാത്രം താരമാണ് ബട്ട്‌ലര്‍. കൊല്‍ക്കത്ത ബോളര്‍ മാവിയുടെ ഒരോവറില്‍ ബട്‌ലര്‍ വാരിക്കൂട്ടിയത് 28 റണ്‍സാണ്. ഈ സീസണിലെ രണ്ടാമത്തെ എക്‌സ്‌പെന്‍സീവ് ഓവറാണ് മാവിയുടേത്. മാവി തന്നെ ഡല്‍ഹിക്കെതിരായ മത്സരത്തില്‍ വഴങ്ങിയ 29 റണ്‍സാണ് സീസണിലെ ഏറ്റവും എക്‌സ്പന്‍സീവ് ഓവര്‍.

മത്സരത്തില്‍ 20 റണ്‍സ് വഴങ്ങി കൊല്‍ക്കത്ത ബോളര്‍കുല്‍ദീപ് യാദവ് നേടിയത് 4 വിക്കറ്റാണ്. ഇത് ഒരു ഇടംകൈയന്‍ സ്പിന്നറുടെ ഏറ്റവും മികച്ച പ്രകടനമാണ്.

ഓപ്പണിംഗ് വിക്കററില്‍ 50 റണ്‍സിനു മുകളില്‍ പാര്‍ട്ണര്‍ഷിപ്പ് ഉണ്ടായിട്ട് ചെറിയ ടോട്ടലില്‍ പുറത്താകുന്ന രണ്ടാമത്തെ ടീമാണ് രാജസ്ഥാന്‍. 142 റണ്‍സാണ് രാജസ്ഥാന്‍ നേടിയത്. 119 റണ്‍സിന് പുറത്തായ പഞ്ചാബാണ് ഒന്നാമത്.

Advertisement