പുതിയ ടി20 ലീഗിന്റെ ഭാഗമാകാൻ ഓസ്‌ട്രേലിയയ്‌ക്കെതിരായ മൂന്ന് മത്സരങ്ങളുടെ ഏകദിന പരമ്പരയിൽ നിന്ന് പിന്മാറാനുള്ള ക്രിക്കറ്റ് ദക്ഷിണാഫ്രിക്കയുടെ (സിഎസ്എ) തീരുമാനത്തെ പിന്തുണച്ച് മുൻ ക്യാപ്റ്റൻ ഗ്രെയിം സ്മിത്ത്.
പ്രോട്ടീസ് ജനുവരിയിൽ ഓസ്‌ട്രേലിയയിൽ പര്യടനം നടത്താൻ തീരുമാനിച്ചിരുന്നു, എന്നാൽ ക്രിക്കറ്റ് ദക്ഷിണാഫ്രിക്ക (സിഎസ്എ) ടി20 ലീഗുമായി മുന്നോട്ട് പോകാൻ തീരുമാനിച്ചതോടെ ഓസ്‌ട്രേലിയയുമായി നടക്കുന്ന ഏകദിന പരമ്പരയിൽ നിന്ന് താരം പിന്മാറുകയിരുന്നു.
നിലവിൽ പോയിന്റ് പട്ടികയിൽ 11-ാം സ്ഥാനത്താണ് ദക്ഷിണാഫ്രിക്ക, ആദ്യ എട്ട് ടീമുകൾക്ക് മാത്രമേ 2023-ൽ ഇന്ത്യയിൽ നടക്കുന്ന ഏകദിന ലോകകപ്പിന് നേരിട്ട് യോഗ്യത നേടാനാകൂ. പരമ്പര പുനഃക്രമീകരിക്കണമെന്ന് ദക്ഷിണാഫ്രിക്കൻ ബോർഡ് ക്രിക്കറ്റ് ഓസ്‌ട്രേലിയയോട് ആവശ്യപ്പെട്ടെങ്കിലും അഭ്യർത്ഥന നിരസിക്കപ്പെട്ടു.
അതിനാൽ തന്നെ യോഗ്യത മത്സരങ്ങൾ കളിച്ചുവേണം ടീമിന് മുന്നോട്ട് പോകാൻ. ഉത്സവകാലത്ത് വീട്ടിൽ നിന്ന് പുറത്ത് കളിക്കാൻ ദക്ഷിണാഫ്രിക്കയ്ക്ക് കഴിയില്ലെന്ന് അവകാശപ്പെട്ട സ്മിത്ത് ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിൽ പറഞ്ഞു:
“നിങ്ങൾ ഹോം മത്സരം കളിച്ചില്ലെങ്കിൽ , നിങ്ങൾക്ക് വരുമാനം ലഭിക്കില്ല. ഹോം ഗെയിമുകളാണ് ആ വരുമാനം നൽകുന്നത്. ഞങ്ങളുടെ ലീഗിന്റെ മികച്ച താൽപ്പര്യങ്ങൾ മുൻനിർത്തിയാണ് തീരുമാനമെടുത്തത്. അതിന് ഞങ്ങൾ നിരവധി പരിഹാരങ്ങൾ വാഗ്ദാനം ചെയ്തു, ക്രിക്കറ്റ് ഓസ്‌ട്രേലിയക്ക് അതുകൊണ്ട് തൃപ്തി ആയില്ല.”
കഴിഞ്ഞ മാസം ഇംഗ്ലണ്ടിനെതിരായ പരമ്പര 1-1 ന് സമനിലയിലായതിനെത്തുടർന്ന് ദക്ഷിണാഫ്രിക്കയ്ക്ക് പോയിന്റ് നിലയിൽ ഉയരാനുള്ള അവസരം നഷ്ടമായി. 2022ലെ ടി20 ലോകകപ്പിന് മുന്നോടിയായി ഇന്ത്യയ്‌ക്കെതിരെയാൻ ടീമിന്റെ അടുത്ത മത്സരം.