ഇംഗ്ലണ്ടും ഓസ്‌ട്രേലിയയും തമ്മിലുള്ള 2021-22 സീസണിലെ ആഷസ് ടെസ്റ്റ് പരമ്പര ഡിസംബര്‍ 8ന് ആരംഭിക്കും. അഞ്ച് മത്സരങ്ങളുടെ പരമ്പരയിലെ ആദ്യ മത്സരം ഗാബയില്‍ ആണ് നടക്കുക. ക്രിക്കറ്റ് ഓസ്‌ട്രേലിയയാണ് ഇക്കാര്യം പ്രഖ്യാപിച്ചത്.
ഡിസംബര്‍ എട്ട്, 16, 26, അടുത്ത വര്‍ഷം ജനുവരി അഞ്ച്, 14 എന്നീ തിയതികളിലാണ് മത്സരങ്ങള്‍ നടക്കുക. അഡിലെയ്ഡ് ഓവലില്‍ ഡിസംബര്‍ 16ന് ആരംഭിയ്ക്കുന്ന രണ്ടാം മത്സരം പിങ്ക് ബോള്‍ ടെസ്റ്റായിരിക്കും. മൂന്നാം ടെസ്റ്റ് മെല്‍ബണിലും നാലാം ടെസ്റ്റ് സിഡ്‌നിയിലും അവസാന ടെസ്റ്റ് പെര്‍ത്തിലും നടക്കും.
വനിത ആഷസിലെ ഏക ടെസ്റ്റ് മത്സരം ജനുവരി 27ന് മാനുക ഓവലില്‍ നടക്കും. പരമ്പരയുടെ ഭാഗമായി മൂന്ന് വീതം ഏകദിനങ്ങളും ടി20 മത്സരങ്ങളും നടക്കും. ടെസ്റ്റിന് ശേഷം ഫെബ്രുവരിയിലായിരിക്കും ഇത്.
ഫെബ്രുവരി നാല്, ആറ്, പത്ത് തിയതികളിലാണ് ടി20 മത്സരങ്ങള്‍ നടക്കുക. തുടര്‍ന്ന് ഫെബ്രുവരി 13,16, 19 തിയതികളിലാണ് ഏകദിന മത്സരങ്ങള്‍. സിഡ്‌നി, ഓവര്‍, മെല്‍ബണ്‍ എന്നിവടങ്ങളിലായാണ് മത്സരങ്ങള്‍.