Connect with us
https://southlive.in/wp-content/uploads/2018/08/728-x-90-pix.jpg

CRICKET

‘റായിഡു എന്റെ നോട്ടപ്പുള്ളിയായിട്ട് കാലം കുറച്ചായി’; ധോണിയുടെ വെളിപ്പെടുത്തല്‍

, 6:25 pm

ഈ ഐ പി എല്‍ സീസണില്‍ അമ്പാട്ടി റായിഡുവിന് ശുക്രന്‍ തെളിഞ്ഞിരിക്കുകയാണ്. സീസണില്‍ ഇതുവരെ കളിച്ച 12 കളികളില്‍ നിന്ന് 535 റണ്‍സാണ് റായിഡു വാരിക്കൂട്ടിയത്. 32 കാരനായ റായിഡുവിന്റെ് ഐ പി എല്ലിലെ തകര്‍പ്പന്‍ പ്രകടനംകണ്ട് ഇന്ത്യന്‍ ടീമില്‍ നിന്ന് വീണ്ടും വിളിവരികയും ചെയ്തു. ഇംഗ്ലണ്ടിനെതിരായി അടുത്ത മാസം നടക്കുന്ന ടൂര്‍ണമെന്റിലേക്കാണ് റായിഡുവിനും നറുക്കുവീണത്.

ഇപ്പോള്‍ ചെന്നൈ നായകനായ ധോണിതന്നെ റായിഡുവിനെ പ്രശംസിച്ച് രംഗത്തെത്തിയിരിക്കുകയാണ്.’ ഈ ഐ പി എല്‍ സീസണിന് മുമ്പ് തന്നെ ഞാന്‍ ശ്രദ്ധിച്ചിരുന്ന താരമാണ് റായിഡു’ എന്നാണ് ധോണി പറയുന്നത്.’ സ്പിന്‍ ബോളേഴ്‌സിനെ അടിച്ചുതകര്‍ക്കുന്ന ഓപ്പണേഴ്‌സിനെയാണ് എല്ലാ ടീമുകള്‍ക്കും ആവശ്യം. ഫാസ്റ്റ് ബോളേഴ്‌സിനേയും സ്പിന്‍ ബോളേഴ്‌സിനേയും നല്ലപോലെ കൈകാര്യം ചെയ്യാന്‍ റായിഡുവിനറിയാം.’ ധോണി പറഞ്ഞു. അദ്ദേഹമൊരു കൂറ്റനടിക്കാരനൊന്നുമല്ല. എന്നാല്‍ അദ്ദേഹം വലിയ ഷോട്ടിനു ശ്രമിക്കുമ്പോഴൊക്കെ അത് ലക്ഷ്യം കാണുകയും ചെയ്തിട്ടുണ്ട്.’ ധോണി കൂട്ടിച്ചേര്‍ത്തു.

ഹൈദരാബാദിനെതിരായ മത്സരത്തില്‍ സെഞ്ച്വറി നേടിയിരുന്നു. റായിഡുവിന്റെ ഇന്നിംഗ്‌സിന്റെ മികവില്‍ 8 വിക്കറ്റിന്റെ തകര്‍പ്പന്‍ ജയമാണ് ചെന്നൈ സ്വന്തമാക്കിയത്. 62 ബോളില്‍ നിന്ന് ഏഴ് സിക്സും ഏഴ് ഫോറുമടക്കമാണ് 100 റണ്‍സ്് റായിഡു നേടിയത്. 12 മത്സരങ്ങളില്‍ നിന്ന് എട്ട് ജയവുമായി ചെന്നൈ പ്ലേ ഓഫ് ഏകദേശം ഉറപ്പിച്ചു. ഒന്നാം സ്ഥാനത്തുള്ള ഹൈദരബാദാണ് പട്ടികയില്‍ ആദ്യം യോഗ്യത നേടിയത്. 2008-2015 വരെയുള്ള എല്ലാ സീസണിലും പ്ലേ ഓഫിലെത്തിയ ഒരേ ഒരു ടീം ചെന്നൈ ആണ്. രണ്ട് വര്‍ഷത്തെ വിലക്കിന് ശേഷം എത്തിയ ടീം വന്‍ തിരിച്ചുവരവാണ് നടത്തിയിരിക്കുന്നത്.

Advertisement