ആദ്യ ഏകദിനത്തിൽ സ്വന്തമാക്കിയ മിന്നും ജയം ഭാഗ്യത്തിന്റെ അകമ്പടിയിൽ ആണെന്ന് പറഞ്ഞവർക്ക് എല്ലാ അർത്ഥത്തിലും തെറ്റി. ഷാർജയിൽ നടന്ന രണ്ടാം ഏകദിനത്തിലും ദക്ഷിണാഫ്രിക്കയെ തോൽപ്പിച്ച് അഫ്ഗാനിസ്ഥാൻ ചരിത്രം കുറിച്ചു. 177 റൺസിൻ്റെ ആധിപത്യം വിജയത്തോടെ അവർ പരമ്പര സ്വന്തമാക്കി. മൂന്ന് മത്സരങ്ങളുടെ പരമ്പരയിൽ 2-0 ന് ലീഡ് നേടി പരമ്പര സ്വന്തമാക്കുന്ന അവസ്ഥയിൽ കാര്യങ്ങൾ എത്തിച്ചിരിക്കുകയാണ്. ആദ്യം ബാറ്റ് ചെയ്തിട്ട് 311/4 എന്ന മികച്ച സ്കോർ നേടിയ അഫ്ഗാനിസ്താൻ ദക്ഷിണാഫ്രിക്കയെ അഫ്ഗാനിസ്ഥാൻ വെറും 134 റൺസിന് പുറത്താക്കി.
ആദ്യം ബാറ്റ് ചെയ്ത അഫ്ഗാനിസ്ഥാനെ 110 പന്തിൽ 105 റൺസ് നേടിയ റഹ്മാനുള്ള ഗുർബാസിൻ്റെ സെഞ്ചുറിയാണ് മികച്ച സ്കോറിലേക്ക് എത്തിച്ചത്. 50 പന്തുകളിൽ നിന്ന് അസ്മത്തുള്ള ഒമർസായി 86* റൺസും റഹ്മത്ത് ഷായുടെ 50 റൺസും ടീമിന് കരുത്തായി. ഈ കാലഘട്ടത്തിൽ പലപ്പോഴും ടീമിന്റെ മിന്നും വിജയങ്ങൾക്ക് കാരക്കാരനായ ഗുർബാസ് ആ മികവ് തുടർന്നപ്പോൾ ദക്ഷിണാഫ്രിക്കൻ ബോളർമാർ തോറ്റോടുക ആയിരുന്നു. മറുപടിയിൽ ദക്ഷിണാഫ്രിക്കയ്ക്ക് തുടക്കം മുതൽ തുടർച്ചയായി വിക്കറ്റുകൾ നഷ്ടമായി. റാഷിദ് ഖാൻ തൻ്റെ 9 ഓവറിൽ 19 റൺസ് മാത്രം വഴങ്ങി 5 വിക്കറ്റ് വീഴ്ത്തി, നംഗേയാലിയ ഖരോട്ടെ 4 വിക്കറ്റും വീഴ്ത്തി ദക്ഷിണാഫ്രിക്കൻ തോൽവി വേഗത്തിലാക്കി.
ന്യൂസിലൻഡ്, ഓസ്‌ട്രേലിയ തുടങ്ങിയ ടീമുകളെ തോൽപ്പിച്ച് ടി20 ലോകകപ്പ് സെമിഫൈനലിലെത്തി ഇപ്പോൾ ദക്ഷിണാഫ്രിക്കയ്‌ക്കെതിരായ ഈ പരമ്പര വിജയം കൂടിയായതോടെ അഫ്ഗാനിസ്ഥാന് ഇത് തീർച്ചയായും വിജയകരമായ വർഷമാണ് എന്ന് പറയാം. അന്താരാഷ്ട്ര ക്രിക്കറ്റിലെ ഉയർച്ചയ്ക്ക് അഫ്ഗാനിസ്ഥാനെ ആരാധകർ പ്രശംസിക്കുകയും ഏത് ടീമിനെയും ജയിക്കാനുള്ള കഴിവുള്ള ഗൗരവമുള്ള ടീമാണെന്ന് അവരെ വിശേഷിപ്പിക്കുകയും ചെയ്തു. X-ലെ പ്രതികരണങ്ങൾ ഇതാ:
“ഒരു അഫ്ഗാൻ എന്ന നിലയിൽ.. നമ്മുടെ കുട്ടികളിൽ വളരെ അഭിമാനിക്കുന്നു. വളരെ നന്നായി കളിച്ചു. രണ്ട് മത്സരങ്ങളും.. അവർ ദക്ഷിണാഫ്രിക്കയെ തകർത്തെറിഞ്ഞു” ഒരു ആരാധകൻ ട്വീറ്റ് ചെയ്തു.
“അഫ്ഗാൻ ക്രിക്കറ്റ് ടീമിന്റെ വിജയത്തിൽ ഞാൻ സന്തോഷിക്കുന്നു! ഇത് രാജ്യത്തിന് ഒരു ചരിത്ര നിമിഷവും അവരുടെ കഠിനാധ്വാനത്തിൻ്റെയും കഴിവിൻ്റെയും തെളിവാണ്. ഈ അവിശ്വസനീയമായ നേട്ടം നമുക്ക് ആഘോഷിക്കാം!” മറ്റൊരാൾ പോസ്റ്റ് ചെയ്തു.
“ഏതാനും വർഷങ്ങൾക്കുള്ളിൽ അഫ്ഗാനിസ്ഥാൻ ക്രിക്കറ്റ് ഒരുപാട് മുന്നോട്ട് പോയി. അവർ ലോകോത്തര ടീമുകളെ തോൽപിച്ചു. ഇന്ന് അഫ്ഗാനിസ്ഥാനെ ഏഷ്യയിലെ മികച്ച 3 ടീമുകളുടെ കൂട്ടത്തിൽ പരിഗണിക്കാം,” ഒരു ആരാധകൻ അഭിപ്രായപ്പെട്ടു.
“ഇനി അഫ്ഗാൻ കുഞ്ഞന്മാർ എന്നോ അസ്സോസിയേറ്റ് ടീം എന്നോ വിളിക്കുന്നവർക്കാണ് കുഴപ്പം.” മറ്റൊരാൾ കുറിച്ചു.
അതേസമയം ദക്ഷിണാഫ്രിക്കക്ക് ഈ തോൽവി വലിയ രീതിയിൽ ക്ഷീണം ചെയ്യും എന്ന് ഉറപ്പിക്കാം.