ഇപ്പോൾ നടക്കുന്ന ബോർഡർ ഗവാസ്കർ ട്രോഫിയിൽ ഓസ്‌ട്രേലിയയ്‌ക്കെതിരെ ഇന്ത്യയുടെ അധിപത്യത്തിനാണ് ആരാധകർ സാക്ഷിയാകുന്നത്. ആദ്യ ഇന്നിങ്സിൽ ഇന്ത്യ ബാറ്റിംഗ് തകർച്ച നേരിട്ടെങ്കിലും ഓസ്‌ട്രേലിയയും അതിനേക്കാൾ വലിയ ബാറ്റിംഗ് തകർച്ചയാണ് നേരിട്ടത്. രണ്ടാം ദിനം തുടങ്ങിയപ്പോൾ ഓസ്‌ട്രേലിയ 104 റൺസിന് ഓൾ ഔട്ട് ആയിരുന്നു.
ജസ്പ്രീത് ബുംറ 5 വിക്കറ്റുകൾ, ഹർഷിത് റാണ 3 വിക്കറ്റ്, മുഹമ്മദ് സിറാജ് 2 വിക്കറ്റ് എന്നിവരാണ് കങ്കാരു പടയെ തകർത്തത്. രണ്ടാം ഇന്നിങ്‌സ് ബാറ്റിംഗിന് ഇറങ്ങിയ ഇന്ത്യ മികച്ച പ്രകടനമാണ് നിലവിൽ നടത്തി വരുന്നത്. യശസ്‌വി ജയ്‌സ്വാൾ 123 പന്തിൽ 50 റൺസ് നേടി അർദ്ധ സെഞ്ചുറി കരസ്ഥമാക്കി. കെ എൽ രാഹുൽ 106 പന്തിൽ 41 റൺസും നേടി സ്ഥിരതയാർന്ന ഇന്നിങ്‌സ് ആണ് കാഴ്ച വെക്കുന്നത്. നിലവിൽ ഇന്ത്യ 145 റൺസിന്റെ ലീഡിലാണ് നിൽക്കുന്നത്.
ഓസ്‌ട്രേലിയയുടെ ആദ്യ ഇന്നിങ്സിൽ മിച്ചൽ സ്റ്റാർക്ക് മാത്രമായിരുന്നു ഭേദപ്പെട്ട പ്രകടനം കാഴ്ച വെച്ചത്. താരം 112 പന്തിൽ 26 റൺസ് ആണ് നേടിയത്. എന്നാൽ ബാറ്റിംഗിനിടയിൽ താരം ഇന്ത്യൻ ബോളറായ ഹർഷിത് റാണയ്ക്ക് താക്കീത് നൽകിയ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറൽ ആയിരിക്കുന്നത്.
Read more
30 ആം ഓവറിൽ ഹർഷിത്ത് എറിഞ്ഞ പന്ത് ബൗൺസറിൽ എഡ്ജ് ആയിരുന്നു എന്നാൽ വിരാടിന് അത് ക്യാച്ച് ആക്കാൻ സാധിക്കുമായിരുന്നില്ല. ആ സമയത്ത് മിച്ചൽ സ്റ്റാർക്ക് ഹർഷിത്തിനെ നോക്കി പറഞ്ഞു” ഞാൻ നിന്നെക്കാൾ സ്പീഡിൽ പന്ത് എറിഞ്ഞിട്ടുണ്ട്, എനിക്ക് ഇവിടെ ഒരുപാട് ഓർമകളും ഉണ്ട്” ഇരുവരും ചിരിച്ചു കൊണ്ടാണ് ഈ സംഭാഷണത്തിൽ ഏർപ്പെട്ടത്.
