ഇന്ത്യയുടെ ടെസ്റ്റ്, ഏകദിന ക്യാപ്റ്റൻ രോഹിത് ശർമ്മ, ടി20 ഐ ക്യാപ്റ്റൻ സൂര്യകുമാർ യാദവ്, ഓൾറൗണ്ടർ അക്സർ പട്ടേൽ എന്നിവർ അടുത്തിടെ ഗ്രേറ്റ് ഇന്ത്യൻ കപിൽ ശർമ്മ ഷോയിൽ പങ്കെടുത്തിരുന്നു. കോമഡി ഷോയിൽ മൂവരും നല്ല ഫോമിൽ ആയിരുന്നു.
കോമഡി ഷോയുടെ ഭാഗമായി ഒരു ഗെയിം മൂവരും കളിച്ചു. അതിൽ പ്രശസ്‌ത ക്രിക്കറ്റ് താരങ്ങൾ കളിച്ച് പ്രശസ്തമാക്കിയ ഷോട്ടുകൾ അനുകരിക്കുന്ന ഭാഗം ഉണ്ടായിരുന്നു. അക്സർ പട്ടേൽ സിക്സ് അടിക്കുന്ന ഒരു താരത്തിന്റെ ആംഗ്യമാണ് രോഹിത്തിന് മുന്നിൽ കാണിച്ചത്.
രോഹിത് ശർമ്മ അക്സർ പട്ടേലിനോട് ഇങ്ങനെ പറഞ്ഞു.
“എല്ലാവരും അങ്ങനെയാണ് സിക്‌സർ അടിക്കുന്നത്. എന്തെങ്കിലും വ്യത്യസ്തമായി കാണിക്കുക, വ്യത്യസ്തമായി ചെയ്യുക.”
സൂര്യകുമാർ ഇതിനിടയിൽ ഇരുവരുടെയും ഇടക്ക് കയറുക ആയിരുന്നു. “ഞാൻ അത് ചെയ്യട്ടെ? ഞാൻ അത് ചെയ്യും. അയാൾക്ക് അത് ഉടനടി ലഭിക്കും ”
ശേഷം ധോണിയുടെ പ്രസ്തമായ ഹെലികോപ്റ്റർ ഷോട്ടിന്റെ ആംഗ്യം അദ്ദേഹം കാണിക്കുകയും ചെയ്തു
രോഹിത് പ്രതികരിച്ചത് ഇങ്ങനെ :
“MSD!”
എന്നിട്ട് അക്ഷറിനോട് പറഞ്ഞു:
“നിങ്ങൾ ഹെലികോപ്റ്റർ ഷോട്ട് ചെയ്യണമായിരുന്നു.”
എംഎസ് ധോണിയുടെ ഹെലികോപ്റ്റർ ഷോട്ട് ക്രിക്കറ്റിലെ ഏറ്റവും മികച്ച ഷോട്ടുകളിൽ ഒന്നാണ്. വരാനിരിക്കുന്ന ലേലത്തിൽ ചെന്നൈ സൂപ്പർ കിംഗ്‌സ് അദ്ദേഹത്തെ ഒരു അൺക്യാപ്ഡ് കളിക്കാരനായി നിലനിർത്തുമെന്ന് പ്രതീക്ഷിക്കുന്നതിനാൽ 2025 ലെ ഐപിഎൽ-ൽ ധോണിയുടെ പ്രകടനത്തിന് ആരാധകർ സാക്ഷ്യം വഹിക്കാൻ സാധ്യതയുണ്ട്.
ഷോട്ടിനെ സംബന്ധിച്ചിടത്തോളം, റാഷിദ് ഖാനും ഋഷഭ് പന്തും പോലുള്ള നിരവധി അന്താരാഷ്ട്ര താരങ്ങൾ ഇത് മത്സര ക്രിക്കറ്റിൽ അനുകരിക്കാൻ ശ്രമിച്ചിട്ടുണ്ട്. ധോണിയെ പോലെ, രോഹിത് ശർമ്മയുടെയും സൂര്യകുമാർ യാദവിൻ്റെയും സിഗ്നേച്ചർ ഷോട്ടുകൾ യഥാക്രമം പുൾ ഷോട്ടും സ്കൂപ്പ് ഷോട്ടും ആണ്.