ഈ വര്‍ഷത്തെ മികച്ച ഏകദിന 11നെ തിരഞ്ഞെടുത്തിരിക്കുകയാണ് സ്റ്റാര്‍ സ്പോര്‍ട്സ്. ടീമിലെ എട്ടു താരങ്ങളും ഇന്ത്യക്കാരാണ്. ലോകകപ്പ് കിരീടം നേടിയ ഓസ്ട്രേലിയന്‍ ടീമിലെ ഒരു താരത്തെ മാത്രമാണ് ഈ പ്ലേയിംഗ് ഇലവനില്‍ ഉള്‍പ്പെടുത്തിയത്. ഇപ്പോഴിതാ ഈ തിരഞ്ഞെടുപ്പിനെ പരിഹസിച്ച് രംഗത്തെത്തിയിരിക്കുകയാണ് രവി ശാസ്ത്രി.
എന്തൊരു തമാശയാണിത്. റാഷിദ് ഖാന് ഇടമില്ലേ? ഇന്ത്യക്കാരെ മാത്രം ഉള്‍പ്പെടുത്തി വോട്ടിംഗ് നടത്തിയാണ് ഇത്തരമൊരു പ്ലേയിംഗ് ഇലവനെ തിരഞ്ഞെടുത്തതെന്നാണ് കരുതുന്നത്. മിച്ചല്‍ മാര്‍ഷ്, റാഷിദ് ഖാന്, ക്വിന്റന്‍ ഡീകോക്ക് തുടങ്ങി ആര്‍ക്കും ഇടമില്ല.
ലോകകപ്പ് കിരീടം നേടിയ ടീമില്‍ നിന്ന് ആകെയുള്ളത് ആദം സാംബ മാത്രമാണ്. ഏഴാം നമ്പറില്‍ റാഷിദാണ് നിലവിലെ ഏറ്റവും ബെസ്റ്റ്. എന്നാല്‍ അവന് ഇടം നല്‍കിയിട്ടില്ല. വിശ്വാസിക്കാനാവാത്ത പ്ലേയിംഗ് ഇലവനാണിത്- സ്റ്റാര്‍ സ്പോര്‍ട്സില്‍ സംസാരിക്കവെ ശാസ്ത്രി പറഞ്ഞു.
സ്റ്റാര്‍ സ്പോര്‍ട്സ് പ്ലേയിംഗ് ഇലവന്‍:
രോഹിത് ശര്‍മ്മ (ഇന്ത്യ)
ശുഭ്മാന്‍ ഗില്‍ (ഇന്ത്യ)
വിരാട് കോഹ്ലി (ഇന്ത്യ)
ഡാരില്‍ മിച്ചല്‍ (ന്യൂസിലന്‍ഡ്)
കെഎല്‍ രാഹുല്‍ (ഇന്ത്യ)
ഹെന്റിച്ച് ക്ലാസന്‍ (ദക്ഷിണാഫ്രിക്ക)
ആദം സാമ്പ (ഓസ്ട്രേലിയ)
കുല്‍ദീപ് യാദവ് (ഇന്ത്യ)
മുഹമ്മദ് ഷമി (ഇന്ത്യ)
മുഹമ്മദ് സിറാജ് (ഇന്ത്യ)
ജസ്പ്രീത് ബുംറ (ഇന്ത്യ)