ന്യൂസിലഡിനെതിരെ രണ്ടാം ടെസ്റ്റില്‍ ഒല്ലി റോബിന്‍സണിനെ ഇംഗ്ലണ്ട് കളിപ്പിച്ചേക്കില്ലെന്ന് സൂചന. താരത്തിന്റെ എട്ട് വര്‍ഷം മുമ്പുള്ള സെക്‌സിസ്റ്റ് റേസിസ്റ്റ് ട്വീറ്റുകളിന്മേല്‍ ഇംഗ്ലണ്ട് ബോര്‍ഡ് അന്വേഷണം പ്രഖ്യാപിച്ചിരിക്കുന്ന സാഹചര്യത്തിലാണിത്. തന്റെ അരങ്ങേറ്റ മത്സരത്തില്‍ തന്നെ ആദ്യ ഇന്നിംഗ്‌സില്‍ റോബിന്‍സണ്‍ നാല് വിക്കറ്റ് വീഴ്ത്തിയിരുന്നു.
ആദ്യ ദിവസത്തെ മത്സരത്തിനു ശേഷം മാധ്യമങ്ങളെ കണ്ട റോബിന്‍സന്‍ സംഭവത്തില്‍ ക്ഷമ ചോദിച്ചിരുന്നു. “കൗമാരകാലത്ത് യോര്‍ക്ക്‌ഷെയറില്‍ നിന്ന് പുറത്താക്കപ്പെട്ട സമയത്ത് മാനസികമായി ആകെ തകര്‍ന്നിരിക്കുമ്പോള്‍ നടത്തിയ ട്വീറ്റുകളാണ് അത്. അതെല്ലാം ഇപ്പോഴും അവിടെയുണ്ടാകുമെന്ന് കരുതിയില്ല, എങ്കിലും അന്ന് നടത്തിയ പരമാര്‍ശങ്ങളുടെ പേരില്‍ ആത്മാര്‍ത്ഥമായി ക്ഷമ ചോദിക്കുന്നു.”
“ആ കാലത്ത് ചിന്താശേഷിയില്ലാതെ ചെയ്ത കാര്യങ്ങളാണെങ്കിലും അതൊരു ഒഴിവുകഴിവില്ല. വ്യക്തിയെന്ന നിലയില്‍ താന്‍ ഏറെ പക്വത നേടിയെന്നും അതുകൊണ്ടുതന്നെ പക്വതയില്ലാത്ത കാലത്ത് നടത്തിയ പരാമര്‍ങ്ങളുടെ പേരില്‍ മാപ്പ് പറയുന്നു” റോബിന്‍സന്‍ വ്യക്തമാക്കി.
Read more
ടെസ്റ്റ് പരമ്പരയിലെ ആദ്യ മത്സരത്തിലെ ആദ്യ ദിനം രണ്ട് വിക്കറ്റുമായി റോബിന്‍സണ്‍ തിളങ്ങിയതിന് പിന്നാലെയാണ് എട്ട് വര്‍ഷം മുമ്പ് ട്വിറ്ററില്‍ താരം നടത്തിയ വംശീയ പരാമര്‍ശങ്ങളടങ്ങിയ ട്വീറ്റുകള്‍ സോഷ്യല്‍ മീഡിയയില്‍ വീണ്ടും വ്യാപകമായി പ്രചരിച്ചത്.
