അഫ്ഗാനിസ്ഥാൻ പേസർ ഫസൽഹഖ് ഫാറൂഖിയും സ്റ്റാർ സ്പിന്നർ റാഷിദ് ഖാനും പാപ്പുവ ന്യൂ ഗിനിയയ്‌ക്കെതിരായ ടി20 ലോകകപ്പ് 2024 ലെ ടീമിൻ്റെ വിജയത്തിന് ശേഷം സന്തോഷകരമായ നിമിഷം പങ്കിട്ടു. വിജയത്തോടെ സൂപ്പർ 8 ഘട്ടത്തിൽ പ്രവേശിച്ച അഫ്ഗാനിസ്ഥാൻ കളിച്ച മൂന്ന് മത്സരങ്ങളും വിജയിച്ചു.
ഗെയിമിന് ശേഷം ആതിഥേയ ബ്രോഡ്കാസ്റ്ററോട് സംസാരിക്കുമ്പോൾ, ഫാറൂഖി തൻ്റെ പദ്ധതികളിലേക്ക് വെളിച്ചം വീശുകയും, അദ്ദേഹം വിശദീകരിക്കുന്നതിനിടയിൽ, റാഷിദ് ക്യാമറയ്ക്ക് പിന്നിൽ ഒളിച്ച് പേസറെ ചിരിപ്പിക്കാൻ തുടങ്ങുകയും ചെയ്തു.
ഫസൽഹഖ് ഫാറൂഖി പറഞ്ഞത് ഇങ്ങനെയാണ്.
“എനിക്ക് രണ്ട് പദ്ധതികളുണ്ട്. എന്തെങ്കിലും ചലനമോ സ്വിംഗോ ഉണ്ടെങ്കിൽ, ടീമിനായി നേരത്തെ വിക്കറ്റ് നേടാനാണ് ഞാൻ ശ്രമിക്കുന്നത്. ഈ റാഷിദ് എന്നെ ചിരിപ്പിക്കാൻ നോക്കുകയാണ്. നീ ഒന്ന് വെറുതെ ഇരിക്കുക റാഷിദ്. എന്ത് ചെയ്താലും ഞാൻ ചിരിക്കില്ല.”
വീഡിയോ കാണാം:
3/16 എന്ന മികച്ച പ്രകടനത്തിന് ഫാറൂഖി പ്ലെയർ ഓഫ് ദി മാച്ച് അവാർഡ് നേടി. സഹ-ആതിഥേയരായ വെസ്റ്റ് ഇൻഡീസിനെതിരായ അവസാന ഗ്രൂപ്പ് മത്സരത്തിലും അഫ്ഗാനിസ്ഥാൻ അതേ തീവ്രത നിലനിർത്തുമെന്ന് അദ്ദേഹം പറയുകയും ചെയ്തു .