ദക്ഷിണാഫ്രിക്കയ്‌ക്കെതിരായ ടി20 ഐ പരമ്പരയിൽ ഇന്ത്യയുടെ ഇതുവരെയുള്ള പ്രകടനങ്ങളിൽ മുൻ ഇന്ത്യൻ വിക്കറ്റ് കീപ്പർ പാർഥിവ് പട്ടേൽ ആശങ്ക രേഖപ്പടുത്തി . അഞ്ച് മത്സരങ്ങളുടെ പരമ്പരയിൽ ആതിഥേയർ ഇതിനകം 0-2 ന് പിന്നിലായതിനാൽ പരമ്പരയിൽ ഇനി ജയിക്കണമെങ്കിൽ അത്ഭുതങ്ങൾ സംഭവിക്കണം.
മുഴുവൻ സമയ ക്യാപ്റ്റൻ രോഹിത് ശർമ്മയും കൂടാതെ വിരാട് കോഹ്ലി, ജസ്പ്രീത് ബുംറ തുടങ്ങിയ മുതിർന്ന താരങ്ങളും വിശ്രമമില്ലാതെയാണ് മെൻ ഇൻ ബ്ലൂ കളിക്കുന്നത്. കെ എൽ രാഹുലും പരിക്കിനെ തുടർന്ന് പരമ്പരയിൽ നിന്ന് പുറത്തായിരുന്നു.
സെലക്ടർമാരിൽ സമ്മർദ്ദം ചെലുത്തണമെങ്കിൽ ഈ കളിക്കാർക്ക് മാച്ച് വിന്നിംഗ് പ്രകടനങ്ങൾ നൽകേണ്ടത് പ്രധാനമായിരിക്കുന്നത് എന്തുകൊണ്ടാണെന്ന് ക്രിക്ക്ബസിനോട് സംസാരിച്ച പാർഥിവ് പട്ടേൽ വിശദീകരിച്ചു:
“കളിക്കുന്ന കളിക്കാർ അവിശ്വസനീയമാംവിധം നന്നായി കളിക്കേണ്ടതുണ്ട്, കാരണം രോഹിത് ശർമ്മ, കെഎൽ രാഹുൽ, വിരാട് കോഹ്ലി, ജസ്പ്രീത് ബുംറ എന്നിവരെപ്പോലുള്ളവർ കളിക്കുന്നില്ല. നിങ്ങൾക്ക് അത്തരം കളിക്കാരെ മറികടന്ന് ടീമിൽ സ്ഥാനം കിട്ടി മുന്നോട്ട് കൊണ്ടുപോകണമെങ്കിൽ നിങ്ങളും അസാധാരണമായ പ്രകടനം നടത്തേണ്ടതുണ്ട്. ”
യുവ താരങ്ങളെ സംബന്ധിച്ച് ഏറ്റവും നല്ല അവസരമായിരുന്നു ഈ പരമ്പര. മികച്ച പ്രകടനം നടത്തിയാൽ പലർക്കും ലോകകപ്പ് ടീമിൽ സ്ഥാനവും കിട്ടുമായിരുന്നു.