ന്യൂസിലൻഡിനെതിരായ മൂന്നാം ടെസ്റ്റിൽ തോൽക്കാൻ ഇന്ത്യ ആഗ്രഹിക്കുന്നില്ലെന്ന് ആകാശ് ചോപ്ര കുറിച്ചു. ഇന്ത്യ 0-3 ന് സ്വന്തം നാട്ടിലെ ഒരു ടെസ്റ്റ് പരമ്പരയും തോറ്റിട്ടില്ലെന്നും ഗൗതം ഗംഭീറിൻ്റെ മുഖ്യപരിശീലകനായിരുന്ന ചുരുങ്ങിയ കാലയളവിൽ മറ്റൊരു കുപ്രസിദ്ധമായ റെക്കോർഡ് സൃഷ്ടിക്കാൻ ഇന്ത്യ ആഗ്രഹിക്കുന്നില്ലെന്നും അദ്ദേഹം പറഞ്ഞു.
ബെംഗളൂരുവിലും പൂനെയിലും നടന്ന ആദ്യ രണ്ട് ടെസ്റ്റുകളിൽ യഥാക്രമം ദയനീയ പരാജയം ഏറ്റുവാങ്ങിയ ഇന്ത്യ മൂന്ന് മത്സരങ്ങളുടെ പരമ്പരയിൽ 0-2ന് പിന്നിലാണ്. നവംബർ ഒന്ന് വെള്ളിയാഴ്ച മുതൽ മുംബൈയിലാണ് അവസാന ടെസ്റ്റ് ആരംഭിക്കുന്നത്. യൂട്യൂബ് ചാനലായ ‘ആകാശ് ചോപ്ര’യിൽ പങ്കിട്ട വീഡിയോയിൽ, കമൻ്റേറ്റർ, ഒന്നിലധികം കാരണങ്ങളാൽ മുംബൈ ടെസ്റ്റ് അപ്രസക്തമല്ലെന്ന് ചൂണ്ടിക്കാട്ടി.
“ഇതൊരു അപ്രസക്ത ടെസ്റ്റ് അല്ല. ഇതിൽ രണ്ട് കാര്യങ്ങളുണ്ട്. ഒന്നാമതായി, ഞങ്ങൾ ഒരിക്കലും മൂന്ന് മത്സരങ്ങളുള്ള ഹോം പരമ്പര 3-0 ന് തോറ്റിട്ടില്ല. രണ്ട് മത്സരങ്ങളുടെ പരമ്പരയിൽ ഒരിക്കൽ ഞങ്ങൾ വൈറ്റ്വാഷ് ചെയ്യപ്പെട്ടു, പക്ഷേ അത് മൂന്ന് മത്സരങ്ങളിൽ ഒരിക്കലും സംഭവിച്ചിട്ടില്ല- ഞങ്ങൾ ആ റെക്കോർഡിൻ്റെ പടിവാതിൽക്കലാണ്,” അദ്ദേഹം പറഞ്ഞു.
“ഡബ്ല്യുടിസി പോയിൻ്റുകളും ഉൾപ്പെട്ടിരിക്കുന്നതിനാൽ ദയവായി ഈ മത്സരം വിജയിക്കുക. ഈ മത്സരം നിങ്ങൾ ജയിച്ചാൽ നിങ്ങൾക്ക് 33% പോയിൻ്റ് (പരമ്പരയ്ക്ക്) ലഭിക്കും. ഗൗതം ഗംഭീറിൻ്റെ പാരിശീലക കാലയളവിൽ നിരവധി കുപ്രസിദ്ധ റെക്കോർഡുകൾ ഇതിനകം സൃഷ്ടിക്കപ്പെട്ടിട്ടുണ്ട്. ഇനിയും ഈ ലിസ്റ്റിലേക്ക് നാണക്കേടുകൾ വേണ്ട” ചോപ്ര പറഞ്ഞു.
ഓഗസ്റ്റിൽ, ഗംഭീറിൻ്റെ മുഖ്യ പരിശീലകനെന്ന നിലയിലുള്ള ആദ്യ 50 ഓവർ അസൈൻമെൻ്റിൽ 27 വർഷത്തിന് ശേഷം ആദ്യമായി ശ്രീലങ്കയ്‌ക്കെതിരായ ഏകദിന പരമ്പര ഇന്ത്യ തോറ്റു. ശേഷം ടെസ്റ്റ് പരമ്പരയിൽ രോഹിത് ശർമ്മയും കൂട്ടരും ബംഗ്ലാദേശിനെ 2-0 ന് തകർത്തെങ്കിലും, കിവീസിനെതിരെ 0-2 ന് അവർ പിന്നിലാണ്, 12 വർഷത്തിന് ശേഷം ഇന്ത്യയുടെ ആദ്യ ഹോം പരമ്പര തോൽവി.