വിരാട് കോഹ്ലിയുടെ ബാറ്റിൽനിന്നും ഓഫ് സൈഡിലൂടെ ഒരു ബൗണ്ടറി പാഞ്ഞപ്പോൾ കോടിക്കണക്കിന് ഇന്ത്യക്കാരുടെ ഹൃദയെ ആവേശഭരിതമായി. അത് പാകിസ്ഥാനെതിരായ വിജയറൺ വന്നു എന്നതിനാൽ മാത്രമല്ല പാകിസ്ഥാനെ തോൽപ്പിക്കാൻ മാത്രമല്ല, കോഹ്ലിക്ക് ചേസിംഗിൽ തൻ്റെ പതിനാലാം സെഞ്ച്വറി തികയ്ക്കാനും എന്നതിനാലുമാണ്. ഈ ഇന്നിംഗ്സിലൂടെ അദ്ദേഹത്തിന് തന്റെ വിമർശകരുടെ വായടപ്പിക്കാനുമായി. കഴിഞ്ഞ വർഷം ഓസ്‌ട്രേലിയയിൽ നടന്ന ബോർഡർ ഗവാസ്‌കർ ട്രോഫിയിൽ കോഹ്ലിയുടെ “ഭാവി പദ്ധതികളെക്കുറിച്ച്” ഇന്ത്യൻ ഹെഡ് കോച്ച് ഗൗതം ഗംഭീർ പോലും ചോദിച്ചു.
ഐസിസി ചാമ്പ്യൻസ് ട്രോഫിക്ക് മുമ്പ് വിരാട് കോഹ്ലിയുടെ ഭാവി പദ്ധതികളെക്കുറിച്ച് ചർച്ച ചെയ്യാൻ ഗംഭീറും ചീഫ് സെലക്ടർ അജിത് അഗാർക്കറും ആഗ്രഹിച്ചതായി ചില റിപ്പോർട്ടുകൾ അവകാശപ്പെ‌‌ടുന്നു. മെൽബണിൽ നടന്ന നാലാം ബിജിടി ടെസ്റ്റിന് ശേഷം, ഇന്ത്യ 164 റൺസിന് തോറ്റപ്പോൾ, ടീമിലെ തൻ്റെ “റോളിനെക്കുറിച്ച്” കോഹ്ലി സംസാരിക്കണമെന്ന് ഗംഭീറും അഗാർക്കറും ആഗ്രഹിച്ചു. കോഹ്‌ലിയെ സംബന്ധിച്ചിടത്തോളം ഇത് വളരെ കൗതുകകരമായിരുന്നു. കോഹ്ലിയുടെ പദ്ധതികളെക്കുറിച്ച് അഗാർക്കർ അറിയാൻ ആഗ്രഹിക്കുന്നതിന് തൊട്ടുമുമ്പ് ഗംഭീർ ക്യാപ്റ്റൻസി റോളും താരത്തിന് വാഗ്ദാനം ചെയ്തിരുന്നു എന്നതും ശ്രദ്ധേയമാണ്.
വിരാട് കോഹ്ലി തൻ്റെ അവസാന ഓസ്‌ട്രേലിയൻ പര്യടനത്തിൽ (ഒരുപക്ഷേ) മികച്ച പ്രകടനം കാഴ്ചവെക്കുമെന്ന് പ്രതീക്ഷിച്ചിരുന്നു. ഒരു സെഞ്ച്വറിയോടെ പര്യടനം മികച്ച രീതിയിൽ ആരംഭിച്ചെങ്കിലും പിന്നീ‌ട് ആ പ്രകടനം തുടരാൻ താരത്തിനായില്ല. അടുത്ത 8 ഇന്നിംഗ്‌സുകളിൽ, മുൻ ഇന്ത്യൻ ക്യാപ്റ്റൻ മൊത്തം 90 റൺസ് കൂടി നേടുകയും 23.75 എന്ന ശരാശരിയിൽ പരമ്പര പൂർത്തിയാക്കുകയും ചെയ്തു. ഇതോടെ അദ്ദേഹം ഇനി ടെസ്റ്റ് കളിക്കുമോ എന്ന് പലരും ഭയപ്പെട്ടു. ഫോമിൻ്റെ അടിസ്ഥാനത്തിൽ അദ്ദേഹത്തിന് പിന്തുണ ലഭിച്ചില്ല.
എന്നാൽ ഇപ്പോൾ, കോഹ്ലി വീണ്ടും തിരിച്ചടിച്ചു. അതും എക്കാലത്തും താൻ ആധിപത്യം പുലർത്താൻ ഇഷ്ടപ്പെടുന്ന ഫോർമാറ്റിൽ. സമീപകാലത്ത് ഇന്ത്യക്ക് വേണ്ടി നടന്ന ഏറ്റവും വലിയ മത്സരത്തിൽ, കോഹ്ലി പലപ്പോഴും ചെയ്യുന്നതുപോലെ എഴുന്നേറ്റുനിന്നു, തൻ്റെ 51-ാം ഏകദിന സെഞ്ച്വറി നേടി. ടീമിലെ തൻ്റെ സ്ഥാനം ചോദ്യം ചെയ്യുന്ന ആളുകൾക്ക് മറുപടി നൽകാനുള്ള കോഹ്ലിയുടെ വഴി ഇതായിരിക്കാം.