ബംഗ്ലാദേശ് പ്രീമിയര് ലീഗില് വെടിക്കെട്ട് സെഞ്ച്വറിയുമായി വിന്ഡീസ് താരം ക്രിസ് ഗെയില്. രംഗ്പൂര് റൈഡേഴ്സിനായി 45 പന്തിലാണ് ഗെയ്ല് സെഞ്ച്വറി തികച്ചത്. മത്സരത്തില് 51 പന്തുകള് നേരിട്ട വിന്ഡീസ് താരം പുറത്താകാതെ 126 റണ്സും സ്വന്തമാക്കി. 14 ഫോറും ആറ് സിക്സും സഹിതമായിരുന്നു ഗെയിലിന്റെ വെടിക്കെട്ട് പ്രകടനം.
ഇതോടെ ഖുല്ന ടൈറ്റല്സിന്റെ 168 റണ്സ് വിജയലക്ഷ്യം വെറും 15.2 ഓവറഇല് രംഗ്പൂര് മറികടക്കുകയായിരുന്നു. എലിമിനേറ്റര് മത്സരത്തിലായിരുന്നു ഗെയിലിന്റെ അത്ഭുത പ്രകടനം.
ഫോം നഷ്ടമായെന്ന് ആരോപിച്ച് പാക് പ്രീമിയര് ലീഗില് നിന്നുള്പ്പെടെ പുറത്തായ സമയത്താണ് മിന്നല് പ്രകടനവുമായി ഗെയില് വീണ്ടും വാര്ത്ത കേന്ദ്രമാകുന്നത്. ഇതോടെ ടി20യില്ലെ ഒരു അവിശ്വസനീയ റെക്കോര്ഡും ഗെയില് സ്വന്തമാക്കി. ടി20 ക്രിക്കറ്റില് ആദ്യമായി 800 സിക്സുകള് തികക്കുന്ന താരം എന്ന നേട്ടമാണ് 39കാരന് സ്വന്തമാക്കിയത്.
Read more
നേരത്തെ ആദ്യം ബാറ്റ് ചെയ്ത ഖുല്ന ടൈറ്റന്സിനു വേണ്ടി കാര്ലോസ് ബ്രാത്വൈറ്റ്(ഒന്പത് പന്തില് 25*), നിക്കോളസ് പൂറന്(28), ആരിഫുള് ഹക്ക്(29) എന്നിവരാണ് തിളങ്ങിയത്.