'ആ ക്യാച്ചിന് ഒരു ഗോള്‍ഡ് മെഡല്‍ നല്‍കൂ, ഫ്രെയിം ചെയ്ത് എക്കാലത്തേയും മികച്ച ക്യാച്ചുകളില്‍ ഒന്നായി തൂക്കൂ'

നിതിന്‍ പി.കെ

ഓപ്പണേഴ്‌സ് ഔട്ടാവാത്തതുകൊണ്ട് വണ്‍ഡൗണ്‍ ബാറ്റ്‌സ്മാന് ബാറ്റിങ്ങിന് അവസരം കിട്ടാതെ വരുന്നത് ടി20 ക്രിക്കറ്റില്‍ വളരെ അപൂര്‍വ്വമാണ്. പക്ഷേ ഇന്ന് അങ്ങനൊരു ദിവസമായിരുന്നു.
അതും ആദ്യ ഇന്നിംഗ്‌സില്‍. ലഖ്‌നൗവിന് വേണ്ടി One-Down ല്‍ ഇറങ്ങേണ്ടിയിരുന്ന എവിന്‍ ലൂയിസിന് അവസരം കിട്ടിയില്ല. മത്സരം അവസാനിക്കാന്‍ രണ്ട് ബോള്‍ മാത്രം ബാക്കിയുള്ളതുവരെ എവിന്‍ ലൂവിസ് ചിത്രത്തില്‍ പോലും ഇല്ലായിരുന്നു. പക്ഷേ മത്സരത്തിന്റെ വിധി നിര്‍ണയിച്ച ഇരുപതാം ഓവറിലെ അഞ്ചാം ബോള്‍.

അവസാന ഓവറില്‍ കെകെആറിന് ജയിക്കാന്‍ വേണ്ടത് 21 റണ്‍സ്. ലഖ്‌നൗവിന് വേണ്ടി ബോള്‍ ചെയ്യാനുള്ളത് മാര്‍ക്കസ് സ്റ്റോയിന്‍സ്. ആദ്യ നാലു ബോളുകള്‍ 4, 6, 6, 2. ക്രീസില്‍ നിന്ന് തകര്‍ത്താടി റിങ്കു സിങ്ങ് എന്ന 24 വയസ്സുകാരന്‍ പയ്യന്‍. അപ്പുറത്ത് തീ കത്തിച്ച് സുനില്‍ നരൈനും.

210/0 എന്ന ഗംഭീര ടോട്ടല്‍ നേടിയിട്ടും ലഖ്‌നൗ മത്സരം കൈവിട്ടെന്ന് ഉറപ്പിച്ച നിമിഷം. കെകെആറിന് ജയിക്കാന്‍ ഇനി വേണ്ടത് രണ്ട് ബോളില്‍ 3 റണ്‍സ്. അടുത്തത് ഇരുപതാം ഓവറിലെ അഞ്ചാം ബോള്‍. സ്റ്റോയിന്‍സിന്റെ ഓഫ്സ്റ്റമ്പിന് പുറത്തായുള്ള ഫുള്‍ടോസ് ബോള്‍. റിങ്കു സിംഗിന് ഡ്രൈവ് മിസ്സാകുന്നു. പന്ത് കവറിലേക്ക് പൊങ്ങുന്നു.

രണ്ട് ഫീല്‍ഡര്‍മാര്‍ക്കിടയിലേക്ക് No Man Standing ല്‍ പന്ത് വീഴുമെന്ന് കരുതുന്ന നിമിഷം. ആ ഫീല്‍ഡര്‍മാരിലൊരാള്‍ എവിന്‍ ലുവീസ് ആയിരുന്നു. ഒറ്റക്കാലില്‍ Slide ചെയ്ത് തെന്നി നീങ്ങി, ഇടതുകൈ നീട്ടി ഒറ്റക്കൈ കൊണ്ട് അവിശ്വസനീയമായ ആംഗിളില്‍ ഡൈവ് ചെയ്ത് എവിന്‍ ലൂവിസ് ആ പന്ത് കയ്യിലൊതുക്കുന്നു. അസാധ്യം എന്നല്ലാതെ വേറൊന്നും പറയാന്‍ കഴിയില്ല.

An Absolute Screamer. The Game. The Set. And The Match. A Crucial Wicket and a Dot Ball For LSG. Espn cricinfo യില്‍ കമന്ററി വന്നത്. ഇങ്ങനെയാണ്. ‘ആ ക്യാച്ചിനൊരു ഗോള്‍ഡ് മെഡല്‍ നല്‍കൂ.
ആ ക്യാച്ച് ഫ്രെയിം ചെയ്ത് എക്കാലത്തേയും മികച്ച ക്യാച്ചുകളൊന്നായി IPL Hall Of Fame ല്‍ തൂക്കൂ’ എന്നാണ്. ഒറ്റ ക്യാച്ചുകൊണ്ട് ഒരു മാച്ചിലെവിടെയും ചിത്രത്തില്‍ പോലും ഇല്ലാതിരുന്ന ഒരാള്‍ മാച്ച് വിന്നറായി മാറുന്ന അപൂര്‍വ്വ സുന്ദര നിമിഷം..

കടപ്പാട്: മലയാളി ക്രിക്കറ്റ് സോണ്‍