ഞായറാഴ്ച (ഓഗസ്റ്റ് 28) ദുബായിൽ നടന്ന ടീം ഇന്ത്യയ്‌ക്കെതിരായ ഗ്രൂപ്പ് എ മത്സരത്തിനിടെ പാകിസ്ഥാൻ വിക്കറ്റ് കീപ്പർ മുഹമ്മദ് റിസ്‌വാൻ വിക്കറ്റിന് പിന്നിൽ നിന്ന് അതിശയോക്തി കലർന്ന അപ്പീലുകളുടെ പേരിൽ സോഷ്യൽ മീഡിയ പ്ലാറ്റ്‌ഫോമുകളിൽ ആരാധകരുടെ രോഷം നേരിട്ടു. അവസാന ഓവറിൽ ഹാർദിക് പാണ്ഡ്യയുടെ മികവിൽ രോഹിത് ശർമ്മയുടെ ടീം ആവേശകരമായ ജയം നേടുക ആയിരുന്നു.
മത്സരത്തിൽ ടോസ് നഷ്ടപ്പെട്ട് ബാബർ അസമിന്റെ നേതൃത്വത്തിലുള്ള ടീം ആദ്യം ബാറ്റ് ചെയ്യുകയായിരുന്നു. തന്ത്രപ്രധാനമായ പ്രതലത്തിൽ, ഓപ്പണർ മുഹമ്മദ് റിസ്‌വാന്റെ 43 റൺസിന്റെ ബലത്തിൽ , മെൻ ഇൻ ഗ്രീനിന് അവരുടെ ചിരവൈരികൾക്ക് മുന്നിൽ 148 റൺസ് വിജയലക്ഷ്യം വെച്ചു.
പാകിസ്ഥാൻ ബൗളർമാർ ഇറുകിയ ലൈനുകളും ലെങ്തുകളും ഉപയോഗിച്ച് അവരെ തടഞ്ഞുനിർത്തിയതിനാൽ കൃത്യമായ ഇടവേളകളിൽ വിക്കറ്റുകൾ നഷ്ടമായിക്കൊണ്ടിരുന്നതിനാൽ റൺസ് പിന്തുടർന്ന ഇന്ത്യ അവസാന നിമിഷം വരെ വിറച്ചു എന്ന് പറയാം . ഹാർദിക് പാണ്ഡ്യയും (33*) രവീന്ദ്ര ജഡേജയും (35) സമ്മർദത്തിൻകീഴിൽ വിലപ്പെട്ട ഇന്നിങ്‌സുകൾ കളിച്ച് തങ്ങൾ എന്തുകൊണ്ടാണ് മികച്ച ഓൾ റൗണ്ടറുമാർ ആയി നിൽക്കുന്നത് എന്ന് തെളിയിച്ചു.
രണ്ടാം ഇന്നിംഗ്‌സിലെ ഏറ്റവും ശ്രദ്ധേയമായ കാര്യം , മുഹമ്മദ് റിസ്‌വാന്റെ അമിതമായ അപ്പീലുകൾ ആരാധകരുടെ ശ്രദ്ധ പിടിച്ചുപറ്റി. അദ്ദേഹത്തെ ക്രൂരമായി ട്രോളാൻ അവർ ട്വിറ്ററിൽ എത്തി. ഓരോ പന്തിലും അപ്പീൽ ചെയ്യുന്ന റിസ്‌വാൻ ആരാധകർ സ്റ്റേഡിയം വിട്ടാലും അവിടെ ഇരുന്ന് അപ്പീൽ ചെയ്യും ഉൾപ്പടെ ഉള്ള ട്രോളുകളാണ് കൂടുതലും നിറഞ്ഞത്.