മുൾത്താനിൽ പാക്കിസ്ഥാനെതിരായ ഒന്നാം ക്രിക്കറ്റ് ടെസ്റ്റിൽ ഇംഗ്ലണ്ട് ബാറ്റ്‌സ്മാൻ ഹാരി ബ്രൂക്ക് തൻ്റെ കന്നി ട്രിപ്പിൾ സെഞ്ച്വറി നേടി. 556 റൺസ് വഴങ്ങിയ ശേഷം, ഇംഗ്ലണ്ട് അവരുടെ ഒന്നാം ഇന്നിംഗ്‌സിൽ 750 റൺസ് എന്ന ഭീമൻ സ്കോർ കടന്നു. ടെസ്റ്റ് ക്രിക്കറ്റ് ചരിത്രത്തിൽ ട്രിപ്പിൾ സെഞ്ച്വറി നേടുന്ന ആറാമത്തെ ഇംഗ്ലണ്ട് ബാറ്ററാണ് ബ്രൂക്ക്. 1990 ന് ശേഷം തൻ്റെ രാജ്യത്തിനായി ആദ്യത്തേതും. അതേസമയം, വീരേന്ദർ സെവാഗിൻ്റെ 20 വർഷം പഴക്കമുള്ള കൂറ്റൻ റെക്കോർഡും തകർത്ത് മുൾത്താനിലെ പുതിയ സുൽത്താനായി വാഴ്ച്ചതുടങ്ങുന്നു.
2004ൽ മുൾത്താനിൽ സെവാഗ് 375 പന്തിൽ 309 റൺസ് നേടി. അന്ന് ഡിക്ലയർ ചെയ്യുന്നതിന് മുമ്പ് ഇന്ത്യ ഒന്നാം ഇന്നിംഗ്‌സിൽ 675 റൺസ് നേടിയിരുന്നു. ഇംഗ്ലണ്ട് ഇന്ന് ഇന്നിംഗ്‌സ് ഡിക്ലയർ ചെയ്യുമ്പോൾ ഏഴ് വിക്കറ്റ് നഷ്ടത്തിൽ 823 റൺസ് നേടിയിട്ടുണ്ട്. ബ്രൂക്ക് തൻ്റെ മികച്ച പ്രയത്നത്തിലൂടെ സെവാഗിൻ്റെ നേട്ടം മറികടന്നു. 2008ൽ ചെന്നൈയിൽ ദക്ഷിണാഫ്രിക്കയ്‌ക്കെതിരായ ഇന്നിങ്സിൽ സെവാഗിന് പിന്നിൽ ഏറ്റവും വേഗമേറിയ രണ്ടാമത്തെ സ്കോർ കൂടിയാണ് ബ്രൂക്കിൻ്റെ 300. വാസ്തവത്തിൽ, ബ്രൂക്കിൻ്റെ 317 റൺസ് ടെസ്റ്റ് ക്രിക്കറ്റിൽ പാകിസ്ഥാനിൽ ഒരു വിദേശ കളിക്കാരൻ്റെ ഏറ്റവും ഉയർന്ന രണ്ടാമത്തെ വ്യക്തിഗത സ്കോറാണ്. 1998ൽ പെഷവാറിൽ മാർക് ടെയ്‌ലറുടെ പുറത്താകാതെ നിന്ന 334 റൺസിന് 17 റൺസ് മാത്രം അകലെയാണ് അദ്ദേഹം വീണത്.
ഇതേ മത്സരത്തിൽ ഇരട്ട സെഞ്ച്വറി നേടിയ ജോ റൂട്ട് സച്ചിൻ ടെണ്ടുൽക്കറുടെ മൂന്ന് വമ്പൻ റെക്കോർഡുകൾ തകർത്തു. ടെസ്റ്റ് ക്രിക്കറ്റിൽ ഏറ്റവും കൂടുതൽ റൺസ് നേടിയ സച്ചിൻ ടെണ്ടുൽക്കറുടെ റെക്കോഡിലേക്ക് ജോ റൂട്ട് അതിവേഗം അടുത്ത് കൊണ്ടിരിക്കുകയാണ്. ടെസ്റ്റ് മത്സരത്തിൻ്റെ നാലാം ദിനം കളിക്കിടെ തൻ്റെ ആറാം ഡബിൾ സെഞ്ച്വറി നേടിയ റൂട്ട് 262 റൺസിൽ പുറത്തായി. നാലാം തവണ എവേ മാച്ചിൽ 200 റൺസ് കടന്ന 33-കാരനായ റൂട്ട് സച്ചിൻ ടെണ്ടുൽക്കറുടെ റെക്കോർഡ് മറികടന്നു. മാത്രമല്ല, കളിയുടെ ദൈർഘ്യമേറിയ ഫോർമാറ്റിൽ ജോ റൂട്ട് ഇരട്ട സെഞ്ച്വറി നേടുന്ന അഞ്ചാമത്തെ രാജ്യമാണ് പാകിസ്ഥാൻ. ഇന്ത്യയുൾപ്പെടെ നാല് രാജ്യങ്ങളിൽ മാത്രം 200 റൺസ് കടക്കാൻ കഴിഞ്ഞ സച്ചിനെ മറികടന്നാണ് റൂട്ട് ഈ നേട്ടം സ്വന്തമാക്കിയത്.
ജോ റൂട്ട് 262 റൺസ് നേടി പാക്കിസ്ഥാനിലെ വിദേശ കളിക്കാർക്കുള്ള രണ്ടാമത്തെ ഉയർന്ന സ്കോർ കൂടി തന്റെ പേരിലാക്കി. സഹതാരം ഹാരി ബ്രൂക്ക് ഈ പട്ടികയിൽ ഒന്നാമതെത്തി. 2004ൽ മുൾത്താനിൽ നടന്ന മത്സരത്തിൽ സച്ചിൻ ടെണ്ടുൽക്കറുടെ ഏറ്റവും ഉയർന്ന സ്കോർ 194* ആണ്. അന്ന് സച്ചിന് ഡബിൾ സെഞ്ച്വറിക്ക് ആറ് റൺസ് മാത്രം വേണ്ടിയിരിക്കെ ഇന്ത്യ ഡിക്ലയർ ചെയ്ത കുപ്രസിദ്ധ ടെസ്റ്റ് മാച്ചിൽ ആണത്.
