സ്റ്റമ്പ്-മൈക്ക് സംഭാഷണങ്ങളുടെ കാര്യത്തിൽ ഇന്ത്യൻ ക്യാപ്റ്റൻ രോഹിത് ശർമ്മ ഫീൽഡിൽ വേറെ ലെവലാണ്. ശരിക്കും പറഞ്ഞ; സഹതാരങ്ങൾക്കും എതിരാളികൾക്കും ഒരുപോലെ ചിരി വരുന്ന സംഭാഷണങ്ങൾ അദ്ദേഹം പറയാറുണ്ട്. സ്റ്റമ്പ് മൈക്കിലെ അദ്ദേഹത്തിൻ്റെ സംഭാഷണങ്ങൾ രോഹിത്തിന്റെ സംസാര രീതി കാരണം സോഷ്യൽ മീഡിയയിൽ വൈറലാകുന്നു.
ഇന്ത്യയും ന്യൂസിലൻഡും തമ്മിലുള്ള ബെംഗളൂരുവിൽ നടന്ന മത്സരത്തിനിടെയാണ് അത്തരത്തിലുള്ള മറ്റൊരു സംഭവം വൈറലായിരിക്കുന്നത്. ഇന്ത്യ കളത്തിലായിരുന്നപ്പോൾ, രോഹിത് ശർമ്മ ഓഫ്‌സ്‌പിന്നർ ആർ അശ്വിനുമായി ന്യൂസിലൻഡിൻ്റെ രച്ചിൻ രവീന്ദ്രയെ പുറത്താക്കുന്നതിനെക്കുറിച്ച് സംസാരിക്കുന്ന വീഡിയോ ആണ് ഇപ്പോൾ വൈറലായിരിക്കുന്നത്
സംഭാഷണത്തിനിടെ, രോഹിത് ആർ അശ്വിനോട് ഇങ്ങനെപറയുന്നത് കേട്ടു, “എനിക്ക് ഇടംകൈയ്യൻ ഉടൻ പുറത്താക്കണം” “ഞാൻ അപ്പോൾ ബൗൾ ചെയ്യും” എന്നായിരുന്നു അശ്വിൻ മറുപടി പറഞ്ഞത്. ഇത് കൂടാതെ രചിൻ ഓവർ സ്മാർട്ട് ആകാൻ ശ്രമിക്കുന്നുണ്ട് എന്നും രോഹിത് പറയുന്നത് കേൾക്കാം.
എന്തായാലും ആദ്യ ടെസ്റ്റിൽ ഇന്ത്യക്ക് വലിയ രീതിയിൽ ബുദ്ധിമുട്ട് ഉണ്ടാക്കിയ രചിനെ രണ്ടാം ടെസ്റ്റിൽ ഒതുക്കി ഇല്ലെങ്കിൽ അത് പണിയാകും എന്ന് ഉറപ്പാണ്.