കുൽദീപ് യാദവിന്റെ ബാല്യകാല പരിശീലകൻ കപിൽ ദേവ് പാണ്ഡെ തന്റെ ശിഷ്യന്റെ തിരിച്ചുവരവിൽ ഋഷഭ് പന്ത് വലിയ പങ്ക് വഹിക്കുന്നുണ്ടെന്ന് പറയുകയാണിപ്പോൾ. ഈ സീസണിൽ ഡൽഹിക്ക് വേണ്ടി മികച്ച പ്രകടനം നടത്തുന്ന കുൽദീപ് ഇന്ത്യൻ ടീമിലേക്ക് ഒരു തിരിച്ചുവരവിന്റെ ഒരുക്കത്തിലാണ്.
കഴിഞ്ഞ 2 സീസണുകളിൽ കൊൽക്കത്തയിൽ അവസരങ്ങൾ ഇല്ലാതെ വിഷമിച്ച കുൽദീപ് അതിന്റെ കെടും പലിശയും തീർക്കുകയാണിപ്പോൾ. റൺസ് വിട്ടുകൊടുക്കാനുള്ള പിശുക്കും വിക്കറ്റ് എടുക്കാനുള്ള മിടുക്കും ഈ സീസണിൽ താരം കാണിക്കുന്നുണ്ട്.
“ധോനി പണ്ട് എങ്ങനെയാണോ കുൽദീപിനെ നയിച്ചത് അതുപോലെയാണ് പന്ത് ചെയ്യുന്നത് . പണ്ട് ധോണി എങ്ങനെയാണോ കുൽദീപിൽ വിശ്വാസം പ്രകടിപ്പിച്ചത് അതുപോലെയാണ് പന്തും ഇപ്പോൾ ചെയ്യുന്നത്. സ്റ്റമ്പിന് പിന്നിൽ നിന്ന് കുൽദീപിനോട് അവൻ സംസാരിക്കുന്നുണ്ട് , ഉപദേശിക്കുന്നു. അവനും പന്തിനും നല്ല ഒത്തൊരുമ ഉണ്ട്”
സീസണിൽ ഇനിയുള്ള മത്സരങ്ങൾ ജയിച്ചാൽ മാത്രമേ ഡൽഹിക്ക് പ്ലേ ഓഫ് സാധ്യതകൾ ഉണ്ടാകൂ. സ്ഥിരതയില്ലായ്മയാണ് ഡൽഹി നേരിടുന്ന പ്രശ്‌നം.