മുൻ ഇന്ത്യൻ ക്രിക്കറ്റ് താരം യുവരാജ് സിംഗ് അടുത്തിടെ ഡർബനിൽ നടന്ന ടി20 ലോകകപ്പ് പോരാട്ടത്തിനിടെ ഇംഗ്ലണ്ട് ഓൾറൗണ്ടർ ആൻഡ്രൂ ഫ്ലിൻ്റോഫുമായുള്ള സ്ലെഡ്ജിംഗ് സംഭവം അനുസ്മരിച്ചു. 17-ാം ഓവറിൽ 155/3 എന്ന നിലയിൽ നിൽക്കുമ്പോൾ ഇന്ത്യയ്‌ക്കൊപ്പം ബാറ്റിങ്ങിന് ഇറങ്ങിയ യുവരാജ് 12 പന്തിൽ അർദ്ധ സെഞ്ച്വറി നേടി.
18-ാം ഓവറിൽ ഫ്ലിന്റോഫിനെതിരെഞാൻ ഒന്നും ചെയ്യാതെ തന്നെ അവൻ എന്നെ എന്തൊക്കെയോ പറഞ്ഞു, അതുകൊണ്ട് തന്നെ എനിക്ക് അദ്ദേഹത്തോട് കട്ട കലിപ്പായി; സൂപ്പർ താരത്തെക്കുറിച്ച് യുവരാജ് സിങ് തുടർച്ചയായ ബൗണ്ടറികൾ നേടി യുവരാജ് ആധിപത്യം സ്ഥാപിച്ചു. ക്ലബ് പ്രേരി ഫയർ യൂട്യൂബ് പോഡ്‌കാസ്റ്റിൽ ഇതേ കാര്യം അനുസ്മരിച്ചുകൊണ്ട് യുവരാജ് പറഞ്ഞു
“ഫ്രെഡി (ഫ്ലിൻറോഫ്) രണ്ട് നല്ല പന്തുകൾ എറിഞ്ഞു – ഒരു ലെങ്ത് ബോൾ എൻ്റെ ബാറ്റിൻ്റെ മധ്യത്തിൽ പതിക്കാതെ ഒരു ബൗണ്ടറിയിലേക്ക് പോയി, പിന്നീട് അദ്ദേഹം ഒരു യോർക്കർ എറിഞ്ഞു. അതും ഞാൻ ബൗണ്ടറിയിലേക്ക് അടിച്ചു. ഓവറിലെ അവസാന പന്തിൽ ഞാൻ സിംഗിൾ നേടി നിന്നപ്പോൾ – മോശം ഷോട്ടുകൾ എന്ന് പറഞ്ഞ് എന്നെ എന്തോ പറഞ്ഞു. അവൻ എന്റെ പുറകെ നടന്ന് ഉപദ്രവിക്കുക ആയിരുന്നു ”
യുവരാജ് തുടർന്നു:
” ഞാൻ ഫ്ലിന്റോഫിനെതിരെ നേടിയ ഒരു സിക്സ് എനിക്ക് ബ്രോഡിനെതിരെ നേടിയ 6 സിക്‌സിനേക്കാൾ ഇഷ്ടപെട്ടത് ആയിരുന്നു. കാരണം ഞാൻ അങ്ങോട്ട് ഒന്നും ചെയ്യാതെ ഇങ്ങോട്ട് വന്ന് എന്നെ ഉപദ്രവിക്കുക ആയിരുന്നു അവൻ. അമ്പയർ ഇടപെട്ടിലായിരുന്നു എങ്കിൽ അതൊരു വലിയ വഴക്ക് ആകുമായിരുന്നു.”
6 സിക്സ് അടിച്ച് ഹീറോ ആകുന്നതിന് മുമ്പ് ഒരു ഏകദിന മത്സരത്തിൽ തനിക്ക് എതിരെ 5 സിക്സ് അടിച്ച ദിമിത്രി മസ്‌കരനാസ് സാക്ഷിയായി നിൽക്കുമ്പോൾ ആണ് താൻ ബ്രോഡിനെ അടിച്ചുപറത്തിയത് എന്നും യുവി ഓർത്തു.
