ഇന്ത്യൻ പ്രീമിയർ ലീഗിലെ (ഐ‌പി‌എൽ) അടുത്ത മത്സരത്തിൽ ഡൽഹി ക്യാപിറ്റൽസിനായി (ഡിസി) യാഷ് ദുൽ അടുത്ത മത്സരം കളിക്കുമെന്ന് മുൻ ഇന്ത്യൻ വിക്കറ്റ് കീപ്പർ പാർഥിവ് പട്ടേൽ പറയുന്നു . പൃഥ്വി ഷാ ഇന്ന് കളിക്കുമോ എന്നുറപ്പില്ലാത്ത സാഹചര്യത്തിൽ വാർണറുടെ ഓപ്പണിങ് പങ്കാളി ആയിട്ട് ഫോമിൽ അല്ലാത്ത കെ. എസ് ഭാരത്തിന് പകരം ദുൽ ഇറക്കണമെന്നും പട്ടേൽ പറയുന്നു.
ഇന്ത്യൻ അണ്ടർ 19 ടീമിനെ ലോകകപ്പ് ജയിപ്പിച്ച നായകനെ നയിച്ചതിന് തൊട്ടുപിന്നാലെ മെഗാ ലേലത്തിൽ 50 ലക്ഷം രൂപയ്ക്ക്കാണ് ഡൽഹി കൂടാരത്തിൽ എത്തിച്ചത്. കരീബിയൻ ദ്വീപിലെ കിരീട വിജയത്തിന് ശേഷം, രഞ്ജി ട്രോഫിയിൽ ഡൽഹിക്ക് വേണ്ടി ഫസ്റ്റ് ക്ലാസ് അരങ്ങേറ്റം കുറിച്ച അദ്ദേഹം രണ്ട് ഇന്നിംഗ്സുകളിലും സെഞ്ച്വറി നേടാനും താരത്തിന് സാധിച്ചു.
“അണ്ടർ 19 ലോകകപ്പോ രഞ്ജി ട്രോഫിയോ ആകട്ടെ, ആത്മവിശ്വാസമുള്ള, എല്ലായിടത്തും റൺസ് സ്‌കോർ ചെയ്‌തിട്ടുള്ള ഒരു യുവതാരത്തെ ഇന്നത്തെ മത്സരം കലിപ്പിക്കുന്നത് ഒരു മോശം ആശയമായിരിക്കില്ല. അവൻ വളരെ പോസിറ്റീവ് ആണ് , ഇന്ന് എന്തായാലും ഡൽഹിക്ക് ജീവന്മരണ പോരാട്ടമായിരിക്കെ അവനെ കളിപ്പിക്കുന്നത് നല്ല കാര്യമായിരിക്കും.”
Read more
വാർണറും മിച്ചൽ മാർഷും കഴിഞ്ഞ കുറച്ച് മത്സരങ്ങളിൽ ഷായുടെ അസാന്നിധ്യം അറിയിക്കാതെ ടീമിനെ മുന്നോട്ട് കൊണ്ടുപോകുന്നുണ്ട്. പനി ബാധിച്ച ഷാ ആശുപത്രിയിൽ നിന്ന് ഡിസ്ചാർജ് ചെയ്യപ്പെട്ടതായി റിപ്പോർട്ടുണ്ട്, എന്തിരുന്നാലും ഇന്നത്തെ മത്സരത്തിൽ കളിക്കാൻ ഒരു സാധ്യതയുമില്ല.
