ഇന്ത്യയുടെ ടി20 ലോകകപ്പ് കിരീട വിജയത്തില്‍ നിര്‍മായകമായത് ഫൈനല്‍ ഓവറിലെ സൂര്യകുമാര്‍ യാദവിന്റെ സ്റ്റന്നിംഗ് ക്യാച്ചായിരുന്നു. ബൗണ്ടറി ലൈനിനു അരികില്‍ വെച്ചായിരുന്നു സൂര്യകുമാര്‍ തകര്‍പ്പന്‍ ക്യാച്ചിലൂടെ ഡേവിഡ് മില്ലറെ പവലിയനിലേക്ക് മടക്കിയത്. ഇപ്പോഴിതാ ഈ ക്യാച്ച് സൂര്യ പാഴാക്കിയിരുന്നെങ്കില്‍ എന്താണ് സംഭവിക്കുകയെന്നു തുറന്നു പറഞ്ഞിരിക്കുകയാണ് നായകന്‍ രോഹിത് ശര്‍മ്മ.
രോഹിത്തുള്‍പ്പെടെയുള്ള ഇന്ത്യന്‍ ടീമിലെ ചില താരങ്ങളെ മഹാരാഷ്ട്ര മുഖ്യമന്ത്രി ഏക്നാഥ് ഷിന്‍ഡെ വീട്ടിലേക്കു ക്ഷണിക്കുകയും ആദരിക്കുകയും ചെയ്തിരുന്നു. ഇവിടെ വെച്ച് സംസാരിക്കവെയാണ് സൂര്യയുടെ ക്യാച്ചിനെക്കുറിച്ച് രോഹിത് സംസാരിച്ചത്.
ആ ക്യാച്ച് സൂര്യ പാഴാക്കിയിരുന്നെങ്കില്‍ ടീമില്‍ നിന്നും അദ്ദേഹത്തെ താന്‍ പുറത്താക്കിയേനെയെന്നാണ് തമാശരൂപേണ രോഹിത് പറഞ്ഞത്. അവന്‍ അതു കൈയ്ക്കുള്ളിലാക്കിയത് നന്നായി. അല്ലായിരുന്നെങ്കില്‍ ഞാന്‍ അവനെ ടീമില്‍ നിന്നും ഒഴിവാക്കുമായിരുന്നുവെന്നു രോഹിത് മറാത്തി ഭാഷയില്‍ ചെറു ചിരിയോടെ വ്യക്തമാക്കി.
മുഖ്യമന്ത്രിയും ഉപമുഖ്യമന്ത്രി ദേവേന്ദ്ര ഫട്നാവിസുള്‍പ്പെടെയുള്ളവര്‍ ഇതുകേട്ട് ചിരിക്കുകയും ചെയ്തു.
#WATCH | Mumbai | Team India captain Rohit Sharma speaks in Maharashtra Vidhan Bhavan as Indian men’s cricket team members are being felicitated by CM Eknath Shinde and Deputy CM Devendra Fadnavis
(Source: Maharashtra Assembly) pic.twitter.com/I51K2KqgDV
— ANI (@ANI) July 5, 2024
Read more
