ഒരു കാലത്ത് ഇന്റര്‍നാഷണല്‍ ക്രിക്കറ്റിനെ ഭയപ്പാടോടെയാണ് സഞ്ജു സമീപിച്ചിരുന്നത്. സ്വയം ടാലന്റ് നശിപ്പിക്കുന്നവന്‍ എന്നൊരു ചീത്തപ്പേര് കൂടി അയാള്‍ക്കുണ്ടായിരുന്നു.. പ്രായത്തിന്റെ പക്വമില്ലായ്മയില്‍ അയാള്‍ക്ക് വല്ലപ്പോഴും കിട്ടിയ അവസരങ്ങളൊന്നും മുതലെടുക്കാനും കഴിഞ്ഞിരുന്നില്ല. ഇന്നയാള്‍ ഒരുപാട് മാറിയിരിക്കുന്നു. വളരെ ശാന്തമായി കളിയെ സമീപിക്കാന്‍ സഞ്ജുവിന് കഴിയുന്നുണ്ട്. തന്റെ ടാലന്റിനെ എങ്ങനെ വിനിയോഗിക്കാം എന്ന് പഠിച്ച് കഴിഞ്ഞിരിക്കുന്നു. ലിമിറ്റഡ് ഓവറില്‍ ഏത് പൊസിഷനിലും കളിക്കാന്‍ കഴിയുമെന്ന് തെളിയിച്ചിരിക്കുന്നു.
എന്തിരുന്നാലും വല്ലപ്പോഴും ഒരു അവസരം കിട്ടിയാൽ ഭേദപ്പെട്ട പ്രകടനം പുറത്തെടുക്കാൻ അയാൾക്ക് സാധിക്കുന്നുണ്ട്. ഇന്നത്തെ മത്സരത്തിലും മാന്യമായ പ്രകടനം നടത്താൻ അയാൾക്ക് സാധിച്ചു. വല്ലപ്പോഴും ഇന്ത്യൻ ടീമിൽ വന്ന് പോകുന്ന അതിഥിയെ സാംസനെക്കുറിച്ച് അശ്വിൻ പറയുന്നത് ഇങ്ങനെയാണ്- “അവന്റെ (സഞ്ജു സാംസൺ) കഴിവിന്, അവൻ കളിച്ചില്ലെങ്കിൽ പോലും അവന്റെ പേര് ട്രെൻഡിങ്ങാകും. സഞ്ജു സാംസണിന് എല്ലാ അവസരങ്ങളും ലഭിക്കണമെന്ന് ഞാൻ ആഗ്രഹിക്കുന്നു. വാസ്തവത്തിൽ, അവൻ അസാധാരണമായ ഫോമിലായതിനാലും മികച്ച രീതിയിൽ കളിക്കുന്നതിനാലും അദ്ദേഹം കളിക്കുന്നത് കാണാൻ ഞാൻ ആഗ്രഹിക്കുന്നു”അശ്വിൻ തന്റെ യൂട്യൂബ് ചാനലിൽ പറഞ്ഞു.
എന്തായാലും വരാനിരിക്കുന്ന മത്സരത്തിലും സഞ്ജുവിന് അവസരം കിട്ടുമെന്നാണ് പ്രതീക്ഷിക്കുന്നത്.