Connect with us
https://southlive.in/wp-content/uploads/2018/08/728-x-90-pix.jpg

CRICKET

കളി തോറ്റാലും മുംബൈയ്ക്ക് പ്ലേ ഓഫിലെത്താം; സാധ്യതകള്‍ ഇങ്ങനെ

, 4:59 pm

ഐ പി എല്‍ ആദ്യഘട്ടം അവസാനിക്കാറായപ്പോള്‍ ആവേശകരമായ അന്ത്യത്തിലേക്കാണ് കാര്യങ്ങള്‍ നീങ്ങുന്നത്. തുടര്‍ച്ചയായ തോല്‍വികളില്‍ നിന്ന് കരകയറി ആരാധകര്‍ക്ക് പ്രതീക്ഷ നല്‍കി മൂന്ന് മത്സരങ്ങള്‍ തുര്‍ച്ചയായി ജയിച്ച മുംബൈ ഇന്ത്യന്‍സിന് കഴിഞ്ഞ മത്സരത്തില്‍ രാജസ്ഥാന്‍ റോയല്‍സിനോട് തോല്‍വി പിണഞ്ഞതാണ് പ്ലേ ഓഫ് തുലാസിലായത്.

12 മത്സരങ്ങളില്‍ നിന്ന് അഞ്ച് ജയമുള്ള മുംബൈ നിലവില്‍ പോയിന്റ് പട്ടികയില്‍ ആറാം സ്ഥാനത്താണ്. ഇത്രയും മത്സരങ്ങളില്‍ നിന്ന് 12 പോയിന്റുള്ള പഞ്ചാബിനും ഇന്ന് നിര്‍ണായകമാണ്. ടൂര്‍ണമെന്റിന്റെ തുടക്കത്തില്‍ മിന്നിക്കളിച്ച കിങ്‌സ് ഇലവന് ടൂര്‍ണമെന്റിന്റെ രണ്ടാം പകുതിയില്‍ ഫോം നഷ്ടപ്പെട്ടു. ഇതോടെയാണ് അശ്വിന്‍ നയിക്കുന്ന ടീമിന് പോയിന്റ് പട്ടികയില്‍ ഇടിവ് വന്നത്.

മികച്ച റണ്‍റേറ്റാണ് മുംബൈ ഇന്ത്യന്‍സിന്റെ പ്രതീക്ഷ. ഇന്നത്തെ മത്സരത്തില്‍ കിങ്‌സ് ഇലവനെയും അടുത്ത മത്സരത്തില്‍ ഡല്‍ഹിയെയും തോല്‍പ്പിച്ചാല്‍ മുംബൈ ഇന്ത്യന്‍സിന് കാര്യങ്ങള്‍ എളുപ്പമാകും. എന്നാല്‍ ഡല്‍ഹിക്കെതിരായ മത്സരത്തില്‍ പരാജയപ്പെട്ടാലും മുംബൈയുടെ പ്രതീക്ഷകള്‍ അവസാനിക്കുന്നില്ല.  സാധ്യതകള്‍ ഇങ്ങനെ.

മുംബൈ പഞ്ചാബിനെ പരാജയപ്പെടുത്തുന്നു

സണ്‍റൈസേഴ്‌സ് റോയല്‍ ചലഞ്ചേഴ്‌സ് പോരാട്ടത്തില്‍ ഹൈദരാബാദ്, ബംഗളൂരിനെ പരാജയപ്പെടുത്തുന്നു

രാജസ്ഥാനെതിരായ മത്സരത്തില്‍ ബംഗളൂരു നേരിയ മാര്‍ജിനില്‍ രാജസ്ഥാന്‍ റോയല്‍സിനെ പരാജയപ്പെടുത്തുന്നു

മത്സരം 55 : മുംബൈ, ഡെല്‍ഹിയോട് പരാജയപ്പെടുന്നു

പഞ്ചാബ് ചെന്നൈ പോരാട്ടത്തില്‍ ചെന്നൈ കിംഗ്‌സ് ഇലവനെ പരാജയപ്പെടുത്തുകയും ചെയ്താല്‍ മുംബൈയ്ക്ക്  പ്ലേ ഓഫിലെത്താം.

Advertisement