ഇതിഹാസ ഓസ്‌ട്രേലിയൻ ക്രിക്കറ്റ് താരം റിക്കി പോണ്ടിംഗ് അടുത്തിടെ തൻ്റെ പ്രിയപ്പെട്ട ഇന്ത്യൻ കളിക്കാരെ കുറിച്ച് സംസാരിച്ചു. രോഹിത് ശർമ്മ, വിരാട് കോലി, ഋഷഭ് പന്ത്, ശുഭ്മാൻ ഗിൽ, സഞ്ജു സാംസൺ എന്നിവരെയാണ് താൻ ഏറ്റവും കൂടുതൽ കാണാൻ ഇഷ്ടപ്പെടുന്ന കളിക്കാരെ പോണ്ടിംഗ് തിരഞ്ഞെടുത്തത്.
ടി20 ക്രിക്കറ്റിലേക്ക് വരുമ്പോൾ, സൂര്യകുമാർ യാദവും ജസ്പ്രീത് ബുംറയും ലോകത്തിലെ ഏറ്റവും മികച്ച രണ്ട് താരങ്ങളാണ് എന്ന് സമ്മതിച്ചെങ്കിലും മറ്റൊരു പേരാണ് പോണ്ടിംഗ് പറഞ്ഞത് . സഞ്ജു സാംസണെ പ്രത്യേകം പ്രശംസിച്ച പോണ്ടിംഗ്, ടി20 ക്രിക്കറ്റിൽ അദ്ദേഹം ബാറ്റ് ചെയ്യുന്നത് തനിക്ക് ഇഷ്ടമാണെന്നും അവകാശപ്പെട്ടു. സ്കൈ സ്‌പോർട്‌സിനോട് സംസാരിക്കവെയാണ് റിക്കി പോണ്ടിംഗ് തൻ്റെ പ്രിയപ്പെട്ട ഇന്ത്യൻ താരങ്ങളെ വെളിപ്പെടുത്തിയത്. സംഭാഷണത്തിനിടെ രോഹിത് ശർമ്മ, വിരാട് കോഹ്‌ലി, ശുഭ്മാൻ ഗിൽ, ഋഷഭ് പന്ത് എന്നിവരെ കുറിച്ച് അദ്ദേഹം സംസാരിച്ചു.
സൂര്യകുമാർ യാദവിനെയും ജസ്പ്രീത് ബുംറയെയും പറയാതെ സഞ്ജു സാംസണെ ടി20 ക്രിക്കറ്റിലെ തൻ്റെ പ്രിയപ്പെട്ട താരങ്ങളായി പറഞ്ഞു. ടി20 ക്രിക്കറ്റിൽ സാംസൺ ബാറ്റ് ചെയ്യുന്നത് തനിക്ക് ഇഷ്ടമാണെന്ന് പോണ്ടിംഗ് അവകാശപ്പെട്ടു.
“ഞാൻ കാണാൻ ഇഷ്ടപ്പെടുന്ന ഒരുപാട് ഇന്ത്യൻ താരങ്ങളുണ്ട് – രോഹിത് , ഗിൽ, പന്ത്, പിന്നെ വിരാട് ഇവരെയൊക്കെ ഇഷ്ടമാണ്. സഞ്ജു സാംസൺ, അവനെ എനിക്ക് ഇഷ്ടമാണ്. എങ്ങനെയെന്ന് എനിക്കറിയില്ല. സഞ്ജു ബാറ്റ് ചെയ്യാൻ ഇറങ്ങിയാൽ ഞാൻ ടി വി മാറ്റാതെ അത് കണ്ടുകൊണ്ട് ഇരിക്കും. അവൻ മിടുക്കനാണ് ”പോണ്ടിംഗ് പറഞ്ഞു.