ഓസ്ട്രേലിയക്കു വേണ്ടി മൂന്ന് ഫോര്മാറ്റിലും കളിക്കണമോയെന്ന് ആലോചിക്കുകയാണെന്ന് ഓസീസ് സൂപ്പര്‍ താരം ഡേവിഡ് വാര്‍ണര്‍ തുറന്ന് പറഞ്ഞിരുന്നു. താരത്തെ ക്യാപ്റ്റൻ ആക്കാത്തതിന് എതിരെ ഭാര്യ അതിശക്തമായി തന്നെ പ്രതികരിച്ചിരുന്നു. പ്രായം കൂടി വരുന്നതിനാൽ തന്നെ എല്ലാ ഫോര്മാറ്റിലും ഇനി കളിക്കില്ലെന്നാണ് താരവും പറയുന്നത്.
“മൂന്ന് ഫോര്മാറ്റിലും കളിക്കുകയെന്നത് തന്നെ താരങ്ങളെ സംബന്ധിച്ച് വലിയ ബുദ്ധിമുട്ടുള്ള കാര്യമാണ്. ഓഫ് സീസണ്‍ ക്രിക്കറ്റ് താരങ്ങള്‍ക്ക് ലഭിക്കാറില്ല. മൂന്ന് ഫോര്മാറ്റിലും പിന്നെ മറ്റ് ലീഗ് ക്രിക്കറ്റിലും കളിക്കുക വളരെ ബുദ്ധിമുട്ടാണ്. ഓസ്ട്രേലിയക്കു വേണ്ടിയും മൂന്ന് ഫോര്മാറ്റിലും കളിക്കണമോയെന്ന് ആലോചിക്കുകയാണ്.”
“വ്യക്തിപരമായി എനിക്ക് മൂന്ന് കുട്ടികളുള്ളതിനാല്‍ കുടുംബത്തോടൊപ്പം ചെലവിടാന്‍ സമയം കണ്ടെത്തേണ്ടതുണ്ട്. ബയോബബിള്‍ സുരക്ഷയില്‍ കുടുംബത്തെ കാണാതെ ഏറെ നാള്‍ മാറിനില്‍ക്കുക വളരെ പ്രയാസമാണ്. അവസാന ആറ് മാസം വ്യക്തിപരമായി വളരെ ബുദ്ധിമുട്ടുള്ളതായിരുന്നു. കുടുംബത്തെ ഒപ്പം നിര്‍ത്താന്‍ സാധിച്ചിരുന്നില്ല” വാര്‍ണര്‍ പറഞ്ഞു.
Read more
നിലവിൽ ഓസ്ട്രേലിയ ശ്രീലങ്ക പരമ്പര കളിക്കുകയാണ് താരം. രണ്ടാം ടെസ്റ്റിന്റെ ആദ്യ ഇന്നിങ്സിൽ 5 റൺസ് എടുത്ത് താരം പുറത്തായിരുന്നു.
