ഷാർജയിലെ ഷാർജ ക്രിക്കറ്റ് സ്റ്റേഡിയത്തിൽ അഫ്ഗാനിസ്ഥാനും ദക്ഷിണാഫ്രിക്കയും തമ്മിലുള്ള മൂന്നാം ഏകദിനത്തിൽ റഹ്മത്ത് ഷാ റണ്ണൗട്ടായ വീഡിയോ വൈറലാകുന്നു. ഇതിനേക്കാൾ ദയനീയമായി എങ്ങനെയാണ് ഒരു താരത്തിന് പുറത്താകാൻ പറ്റുന്നത് എന്ന് പറഞ്ഞാണ് വീഡിയോ സോഷ്യൽ മീഡിയ ഏറ്റെടുക്കുന്നത്.
മത്സരത്തിൽ പുറത്താകുന്നതിന് മുമ്പ് വലംകൈയ്യൻ ബാറ്റ്സ്മാൻ നേരിട്ടത് ആറ് പന്തുകൾ മാത്രമാണ്. സംഭവിച്ചത് ഇങ്ങനെയാണ്: ഒമ്പതാം ഓവറിൽ എൻഗിഡി അഫ്ഗാൻ സൂപ്പർ താരം റഹ്മാനുള്ള ഗുർബാസിനെതിരെ പന്തെറിയുന്നു. ഓവറിലെ അഞ്ചാം പന്തിൽ ഗുർബാസ് പന്ത് ബൗളർക്ക് നേരെ ഓടിച്ചു. എൻഗിഡി തൻ്റെ ഫോളോ-ത്രൂവിൽ പന്ത് പിടിക്കാൻ ശ്രമിച്ചെങ്കിലും അത് അദ്ദേഹത്തിന് സാധിച്ചില്ല. നോൺ സ്‌ട്രൈക്കർ എൻഡിൽ നിന്ന ഗുർബാസിന്റെ അടുത്തേക്കാണ് പന്ത് തട്ടി തെറിച്ചത്.
ആ സമയത്ത് റഹ്മത്ത് ക്രീസിൽ നിന്ന് പുറത്തായിരുന്നു, ക്രീസിലേക്ക് മടങ്ങുന്നതിന് മുമ്പ്, പന്ത് അവൻ്റെ ദേഹത്ത് തട്ടി, തുടർന്ന് സ്റ്റമ്പിലേക്ക് തിരിയുകയായിരുന്നു. സുരക്ഷിതമായി ക്രീസിനുള്ളിൽ തിരിച്ചെത്തുന്നതിന് മുമ്പ് പന്ത് സ്റ്റമ്പിൽ തട്ടിയതിനാൽ അദ്ദേഹത്തിന് നിർഭാഗ്യകരമായ പുറത്താകേണ്ടതായി വന്നു. ആ സമയത്ത് വെറും 1 റൺ മാത്രമാണ് താരത്തിന് നേടാനായത്.
അതേസമയം മത്സരത്തിലേക്ക് വന്നാൽ മൂന്ന് മത്സര പരമ്പര ഇതിനോകാം കൈവിട്ട ദക്ഷിണാഫ്രിക്ക മൂന്നാം മത്സരത്തിൽ 7 വിക്കറ്റിന്റെ ജയം സ്വന്തമാക്കി വമ്പൻ നാണക്കേട് ഒഴിവാക്കി.