കേപ്ടൗണിൽ പ്രോട്ടീസിനെതിരെ ആദ്യ ജയം നേടിയ ഇന്ത്യ വ്യാഴാഴ്ച ദക്ഷിണാഫ്രിക്കയെ ഞെട്ടിച്ചു. രോഹിത് ശർമ്മയുടെ നേതൃത്വത്തിലുള്ള ഇന്ത്യ ദക്ഷിണാഫ്രിക്കയെ ഏഴ് വിക്കറ്റിന് തോൽപ്പിച്ച് ക്രിക്കറ്റ് ചരിത്രത്തിലെ ഏറ്റവും ചെറിയ ടെസ്റ്റ് മത്സരത്തിൽ വിജയിച്ചിരിക്കുന്നു. ആദ്യ ഇന്നിങ്സിലെ ഉൾപ്പടെ മികച്ച പ്രകടനം നടത്തിയ സിറാജ് കളിയിലെ താരമായി മാറിയപ്പോൾ ബുംറ പരമ്പരയുടെ താരമായി മാറി.
ആദരം ഏറ്റുവാങ്ങുന്നതിനിടെ, സിറാജ് ബുംറയെ വിവർത്തകനായി കൂടെ കൂട്ടിയിരുന്നു. അഭിമുഖത്തിൽ, സിറാജ് ബുംറയെ പ്രശംസിക്കുകയും അദ്ദേഹത്തിന്റെ വിജയത്തിന് ക്രെഡിറ്റ് നൽകുകയും ചെയ്തു. എന്നിരുന്നാലും, സിറാജ് പ്രശംസിച്ച ഭാഗം ഒഴിവാക്കിയ ബുംറയുടെ വിവർത്തനം ആരാധകരുടെ ഹൃദയം കീഴടക്കി.
ബുംറയാണ് എന്റെ വിജയങ്ങളുടെ കാരണം എന്നത് ഉൾപ്പടെ ഉള്ള ഭാഗത്തെ ഉൾപ്പെടുത്തി സിറാജ് പറഞ്ഞ പ്രസംഗം വിവർത്തനം ചെയ്ത ബുംറ തന്നെക്കുറിച്ച് താരം പറഞ്ഞ ഭാഗം ഒഴിവാക്കി.
“ഞങ്ങൾ ഒരുമിച്ച് കളത്തിൽ ഇറങ്ങുമ്പോൾ പരിചയസമ്പത്ത് എന്ന ഘടകം അവിടെ വരും. കളത്തിൽ ഇറങ്ങുമ്പോൾ പിച്ചുമായി ബന്ധപ്പെട്ട കാര്യങ്ങൾ ഉൾപ്പടെ സഹായിക്കും. തീർച്ചയായിട്ടും അതൊക്കെ ഞങ്ങളെ സഹായിച്ചിട്ടുണ്ടാകും” ബുംറ പറഞ്ഞു.
അഫ്ഗാനിസ്ഥാനെതിരെ നടക്കാനിരിക്കുന്ന ടി20 ഐ പരമ്പരയിലേക്കാണ് ഇനി ഇന്ത്യയുടെ ശ്രദ്ധ.