ഇംഗ്ലണ്ടിനെതിരായ അഞ്ച് മത്സരങ്ങളുടെ ടെസ്റ്റ് പരമ്പരയിൽ ഏറ്റവും കൂടുതൽ റൺസ് നേടിയ താരമാണ് യശസ്വി ജയ്‌സ്വാൾ. രണ്ട് ഇരട്ട സെഞ്ച്വറികൾ താരം ഇതിനകം നേടിയിട്ടുണ്ട്, മൂന്ന് മത്സരങ്ങൾക്ക് ശേഷം ഇന്ത്യ ഇതിനകം പരമ്പരയിൽ 2-1 ന് മുന്നിലാണ്. അടുത്തിടെ ഒരു ആരാധികയുമായി നടത്തിയ സംഭാഷണത്തിൽ, ക്യാപ്റ്റൻ രോഹിത് ശർമ്മയെ താൻ ഭയക്കുന്നുണ്ടെന്ന് താരം സമ്മതിച്ചു.
തൻ്റെ നേരെ നോക്കാൻ യശസ്വി രോഹിതിനോട് പറയണമെന്ന് ആരാധിക ആവശ്യപ്പെട്ടു. പക്ഷേ തൻ്റെ ക്യാപ്റ്റനെ ഭയം ആണെന്നും അതിനാൽ തന്നെ അതൊന്നും ചോദിക്കാൻ പറ്റില്ലെന്നും ജയ്‌സ്വാൾ മറുപടി പറയുക ആയിരുന്നു. അതേസമയം, മൂന്നാം ടെസ്റ്റിൽ ഇന്ത്യ ഇംഗ്ലണ്ടിനെ 434 റൺസിന് തോൽപ്പിച്ചതിന് ശേഷം താരത്തെക്കുറിച്ച് കൂടുതൽ സംസാരിക്കാൻ രോഹിത് തയ്യാറായില്ല. കളിയുടെ രണ്ടാം ഇന്നിംഗ്‌സിൽ 214 റൺസാണ് ജയ്‌സ്വാൾ നേടിയത്.
“യശസ്വി ജയ്‌സ്വാളിനെക്കുറിച്ച് കൂടുതൽ സംസാരിക്കാൻ ഞാൻ ആഗ്രഹിക്കുന്നില്ല. അവൻ കളിക്കട്ടെ,” രോഹിത് ശർമ പറഞ്ഞു.
വിശാഖപട്ടണത്തിൽ നടന്ന രണ്ടാം ടെസ്റ്റിൽ ഇന്ത്യ 106 റൺസിന് ജയിച്ചപ്പോൾ താരം നേടിയ ഇരട്ട സെഞ്ചുറിയാണ് വിജയത്തിന് കാരണമായത്. ഇതുവരെയുള്ള തൻ്റെ ടെസ്റ്റ് കരിയറിൽ മുംബൈ ആസ്ഥാനമായുള്ള ബാറ്റർ സെൻസേഷണൽ ആയിരുന്നു.