രോഹിത് ശർമ്മ ടീമിൽ തിരിച്ചെത്തിയതോടെ, ഡിസംബർ 6ന് അഡ്‌ലെയ്ഡ് ഓവലിൽ ആരംഭിക്കുന്ന ഇന്ത്യയും ഓസ്‌ട്രേലിയയും തമ്മിലുള്ള രണ്ടാം ടെസ്റ്റിൽ കെ എൽ രാഹുലിനെ ആറാം നമ്പർ സ്ഥാനത്തേക്ക് വിടുമെന്നും അഭ്യൂഹങ്ങളുണ്ട്. രോഹിതിൻ്റെ അഭാവത്തിൽ ആദ്യ ടെസ്റ്റിൽ രാഹുൽ മികച്ച അർദ്ധ സെഞ്ച്വറി നേടി രണ്ടാം ഇന്നിംഗ്‌സിൽ യശസ്വി ജയ്‌സ്വാളിനൊപ്പം 201 റൺസിൻ്റെ കൂട്ടുകെട്ട് ഇന്ത്യയുടെ 295 റൺസിൻ്റെ വിജയത്തിൽ വലിയ പങ്കുവഹിച്ചു. പ്രൈം മിനിസ്റ്റേഴ്‌സ് ഇലവനെതിരായ പരിശീലന മത്സരത്തിലേക്ക് വന്നാൽ രോഹിത് രാഹുലിനെ ബാറ്റിംഗ് ഓപ്പൺ ചെയ്യാൻ അനുവദിക്കുകയും നായകൻ നാലാം നമ്പറിലേക്ക് ഇറങ്ങുകയും ചെയ്യുക ആയിരുന്നു.
ഫോമിലുള്ള രാഹുലിന് വേണ്ടി തന്റെ ഓപ്പണിങ് സ്ഥാനം രോഹിത് മാറി കൊടുത്തേക്കും എന്ന് റിപ്പോർട്ടുകൾ ഉണ്ട്. എന്നാൽ ഇന്നലത്തെ വാർത്താ സമ്മേളനത്തിനിടെ, വരാനിരിക്കുന്ന ഗെയിമിലെ സ്ഥാനത്തെക്കുറിച്ച് രാഹുലിനോട് ചോദിച്ചെങ്കിലും വലംകൈയ്യൻ ബാറ്റർ തന്ത്രപരമായ മറുപടി നൽകി.
“എൻ്റെ ബാറ്റിംഗ് സ്ലോട്ടിനെക്കുറിച്ച് എനിക്കറിയാം, പക്ഷേ ഒന്നും വെളിപ്പെടുത്തരുതെന്ന് എന്നോട് പറഞ്ഞിട്ടുണ്ട്. ടെസ്‌റ്റിൻ്റെ ഒന്നാം ദിനം നിങ്ങൾ അറിയും അല്ലെങ്കിൽ ഉത്തരത്തിനായി നാളെ ക്യാപ്റ്റൻ്റെ വാർത്താ സമ്മേളനത്തിനായി കാത്തിരിക്കാം, ”കെ എൽ രാഹുൽ പറഞ്ഞു.
ആദ്യ പിങ്ക് ബോള് ടെസ്റ്റ് കളിക്കുന്ന താരം അതിനുള്ള വെല്ലുവിളി ഏറ്റെടുക്കൻ താൻ തയാറാണെന്ന് പറഞ്ഞിരിക്കുകയാണ്.
“ഇത് എൻ്റെ ആദ്യത്തെ പിങ്ക്-ബോൾ ടെസ്റ്റ് ആയിരിക്കും, അതിനാൽ എനിക്ക് കളിയുടെ രിചയമില്ല. പിങ്ക് ബോൾ ഉപയോഗിച്ച് കളിക്കാൻ അവസരം ലഭിച്ചവരോട് ഞാൻ സംസാരിച്ചു, അവർ വെല്ലുവിളികളെക്കുറിച്ചും അവയെ തരണം ചെയ്യാത്തതിനെ കുറിച്ചും പങ്കുവെച്ചു. ചുവന്ന പന്തിൽ നിന്ന് വ്യത്യസ്തമാണ് പിങ്ക് ബോൾ അത് കളിക്കുക എളുപ്പമല്ല. ഞങ്ങൾ നെറ്റ് സെഷനുകളിലൂടെ കടന്നുപോകുന്നു, ഞങ്ങൾ ഗെയിമിന് തയ്യാറാകുമെന്ന് പ്രതീക്ഷിക്കുന്നു, ”അദ്ദേഹം കൂട്ടിച്ചേർത്തു.