വിക്കറ്റ് വീഴ്ത്തിയ ശേഷം അമിതമായി ആഘോഷിക്കരുതെന്ന് ടീമംഗങ്ങളും പരിശീലകരും തന്നെ ഉപദേശിച്ചതായി ഇന്ത്യന്‍ പേസറും ആര്‍സിബി താരവുമായ മുഹമ്മദ് സിറാജ്. വിഖ്യാത ഫുട്‌ബോള്‍ താരം ക്രിസ്റ്റ്യാനോ റൊണാള്‍ഡോയുടെ ആഘോഷം അനുകരിക്കുന്നതുമായി ബന്ധപ്പെട്ടാണ് സിറാജ് ഇക്കാര്യം വെളിപ്പെടുത്തിയത്.
‘അമിതമായ ആഘോഷങ്ങള്‍ പരിക്കിന് കാരണമാകുമെന്ന് മുഹമ്മദ് ഷമിയും ഞങ്ങളുടെ പരിശീലകരും എന്നോട് പറഞ്ഞു. ഞാന്‍ ക്രിസ്റ്റ്യാനോ റൊണാള്‍ഡോയുടെയും അവന്റെ സെലബ്രേഷന്റെയും വലിയ ആരാധകനാണ്. ആ ആഘോഷം തുടര്‍ച്ചയായി ചെയ്താല്‍ എന്റെ കാലുകള്‍ വളയാന്‍ സാദ്ധ്യതയുണ്ട്. അത് ഒഴിവാക്കാന്‍ അവര്‍ എന്നോട് പറഞ്ഞു- സിറാജ് വെളിപ്പെടുത്തി.
ഐപിഎല്ലില്‍ മികച്ച പ്രകടനമാണ് സിറാജ് കാഴ്ച്ച വെച്ചു കൊണ്ടിരിക്കുന്നത്. നിലവില്‍ കൂടുതല്‍ വിക്കറ്റ് വീഴ്ത്തിയ താരത്തിനുള്ള പര്‍പ്പിള്‍ ക്യാച്ച് സിറാജിന്റെ തലയിലാണ്. ആറ് മത്സരങ്ങളില്‍ നിന്ന് താരം ഇതിനോടകം 12 വിക്കറ്റുകള്‍ വീഴ്ത്തിയിട്ടുണ്ട്.
ഇന്നലെ നടന്ന മത്സരത്തില്‍ സിറാജ് നാല് വിക്കറ്റ്് വീഴ്ത്തിയപ്പോള്‍ ആര്‍സിബി 24 റണ്‍സിന് പഞ്ചാബിനെ പരാജയപ്പെടുത്തി. തന്റെ കൃത്യമായ ലൈനിലും ലെംഗ്തിലും സിറാജ് മിടുക്കനായിരുന്നു. അദ്ദേഹത്തിന്റെ ഓവറുകളില്‍ പഞ്ചാബ് ബാറ്റര്‍മാര്‍ക്ക് വലിയ റണ്‍സ് നേടാനായില്ല.