കാര്യങ്ങൾ തങ്ങൾക്ക് അനുകൂലമായാൽ പഞ്ചാബ് കിംഗ്‌സിന് (പിബികെഎസ്) ഐപിഎൽ 2025 പ്ലേഓഫിൽ എത്താൻ കഴിയുമെന്ന് ആകാശ് ചോപ്ര . പഞ്ചാബിന് മികച്ച മധ്യനിരയും മികച്ച ബൗളിംഗ് ഓപ്ഷനുകളുമുണ്ടെന്ന് അദ്ദേഹം ചൂണ്ടിക്കാട്ടി. പിബികെഎസ് ഇന്ത്യൻ പ്രീമിയർ ലീഗ് ആദ്യ സീസൺ മുതൽ കളിക്കുന്നു എങ്കിലും ഇതുവരെ കിരീട ഭാഗ്യം മാത്രം ഉണ്ടായില്ല. 2014 പതിപ്പിലെ റണ്ണേഴ്‌സ് അപ്പ് ട്രോഫി നേടിയത് ആയിരുന്നു ഇതുവരെയുള്ള മികച്ച പ്രകടനം.
ഐപിഎൽ 2024 ൽ അവർ ഒമ്പതാം സ്ഥാനത്താണ് അവരുടെ പോരാട്ടം അവസാനിപ്പിച്ചത്. കഴിഞ്ഞ 10 സീസണുകളിൽ പ്ലേ ഓഫിൽ എത്താൻ പോലും ഭാഗ്യം ടീമിന് ഉണ്ടായിട്ടില്ല. തൻ്റെ യുട്യൂബ് ചാനലായ ‘ആകാശ് ചോപ്ര’യിൽ പങ്കിട്ട ഒരു വീഡിയോയിൽ, മുൻ ഇന്ത്യൻ ഓപ്പണർ പഞ്ചാബ് കിംഗ്‌സിൻ്റെ പ്ലേഓഫിലേക്ക് യോഗ്യത നേടാനുള്ള സാധ്യതയെക്കുറിച്ച് ശുഭാപ്തിവിശ്വാസം പ്രകടിപ്പിച്ചു.
“ലേലത്തിലെ അവരുടെ പ്രകടനത്തിന് 8 . 3 റേറ്റിങ് ഞാൻ നൽകുന്നു. ടീം മികച്ചതാണ്. എല്ലാം നല്ല രീതിയിൽ പോയാൽ അവസാന നാലിൽ പഞ്ചാബ് ഉണ്ടാകും.” ചോപ്ര പറഞ്ഞു.
മൂന്നാം നമ്പർ മുതൽ ഏഴാം സ്ഥാനം വരെയുള്ള ‘സോളിഡ്’ ബാറ്റിംഗ് ലൈനപ്പാണ് പിബികെഎസിനുള്ളതെന്ന് ചോപ്ര ചൂണ്ടിക്കാട്ടി.
“ശ്രേയസ് അയ്യർ തീർച്ചയായും മൂന്നാം നമ്പറിലായിരിക്കും. അവൻ ഒരു നല്ല കളിക്കാരനാണ്. അതിനുശേഷം, മാർക്കസ് സ്റ്റോയിനിസും ഗ്ലെൻ മാക്‌സ്‌വെല്ലും ഉണ്ട്, പിന്നെ അവർക്ക് നെഹാൽ വധേരയും ശശാങ്ക് സിംഗുമുണ്ട്. ബാറ്റിംഗിന് ആഴവും സ്‌ഫോടനാത്മക കഴിവും ഉള്ള ഒരു കൂട്ടമാണ്. ”
“ഈ താരങ്ങൾ എല്ലാം ഫോമിൽ ആയാൽ പിന്നെ അവന്മാരെ പിടിച്ചുകെട്ടാൻ ടീമുകൾ ബുദ്ധിമുട്ടും. എന്തായാലും പഞ്ചാബ് ഇത്തവണ സെറ്റ് ടീമാണ്.’ ചോപ്ര പറഞ്ഞു.
