തുടര്‍ച്ചയായ രണ്ട് സെഞ്ചുറി എന്ന നേട്ടം സ്വന്തമാക്കിയതിന് തൊട്ട് പിന്നാലെ തുടര്‍ച്ചയായ ഡക്ക് എന്ന നേട്ടം കൂടി സ്വന്തമാക്കിയിരിക്കുകയാണ് ഇന്ത്യയുടെ മലയാളി താരം സഞ്ജു സാംസണ്‍. സൗത്ത് ആഫ്രികയുമായുള്ള നാല് ടി20 സീരിസിന്റെ മൂന്നാം മത്സരത്തില്‍ വെറും രണ്ട് പന്തില്‍ പൂജ്യം സ്‌കോര്‍ നേടിയാണ് സഞ്ജു മടങ്ങിയത്. രണ്ടാം മത്സരത്തിലും സഞ്ജുവിനെ പുറത്താക്കിയത് മാര്‍ക്കോ ജാന്‍സണ്‍ ആണ് എന്നതാണ് ശ്രദ്ധേയമായ മറ്റൊരു കാര്യം.
നിലവില്‍ കളി തുടരുമ്പോള്‍ ആദ്യം ബാറ്റ് ചെയ്യുന്ന ഇന്ത്യ 6 ഓവറില്‍ ഒരു വിക്കറ്റ് നഷ്ടത്തില്‍ 70 റണ്‍സ് ആണ് നേടിയത്. ഈയിടെ ടി20 അന്താരാഷ്ട്ര മത്സരങ്ങളില്‍ ഒരു കലണ്ടര്‍ വര്‍ഷത്തില്‍ നാല് ഡക്ക് റജിസ്റ്റര്‍ ചെയ്യുന്ന ആദ്യ ഇന്ത്യന്‍ കളിക്കാരനായി ടീം ഇന്ത്യയുടെ ബാറ്റര്‍ സഞ്ജു സാംസണ്‍ റെക്കോഡ് സൃഷ്ടിച്ചിരുന്നു. ഇന്ത്യയും ദക്ഷിണാഫ്രിക്കയും തമ്മില്‍ ഗ്‌കെബെര്‍ഹയിലെ സെന്റ് ജോര്‍ജ്‌സ് പാര്‍ക്കില്‍ നടന്ന രണ്ടാം ടി20യിലാണ് അദ്ദേഹത്തിന്റെ ഈ നാണംകെട്ട റെക്കോഡ് പിറന്നത്.
Read more
തുടര്‍ച്ചയായ രണ്ട് സെഞ്ചുറികളോടെ പെട്ടെന്ന് തന്നെ വാര്‍ത്തകളില്‍ നിറഞ്ഞ സഞ്ജു മാര്‍ക്കോ ജാന്‍സന്റെ പന്തിലാണ് കഴിഞ്ഞ രണ്ട് മത്സരങ്ങളില്‍ ബൗള്‍ഡ് ആയി മടങ്ങിയത്. കഴിഞ്ഞ മത്സരത്തില്‍ വെറും മൂന്ന് പന്തുകള്‍ മാത്രം നേരിട്ട സാംസണ്‍ ഒരു ബിഗ് ഷോട്ട് കളിക്കാന്‍ ശ്രമിക്കവെയാണ് ഔട്ട് ആയത് അതേ തെറ്റ് തന്നെ വീണ്ടും ആവര്‍ത്തിക്കുന്നതാണ് നമ്മള്‍ കാണുന്നത്. ഈ നില തുടര്‍ന്നാല്‍ ഇത്രയും കാലം പിന്തുണച്ച ആരാധകര്‍ തന്നെ കൈവിടുന്ന കൂട്ടത്തിലാണ്.
