ഐപിഎൽ 2025 നു മുന്നോടിയായി മെഗാ താരലേലത്തിനു തയ്യാറെടുക്കുകയാണ് എല്ലാ ടീമുകളും. ഇതിന് മുന്നോടിയായുള്ള അഴിച്ചുപണികളിലേക്ക് ടീമുകളെല്ലാം കടന്ന് കഴിഞ്ഞു. പല ടീമുകളും പരിശീലകരെയടക്കം പുറത്താക്കാനുള്ള നീക്കം ആരംഭിച്ച് കഴിഞ്ഞു. മിക്ക ടീമുകളിലിൽ നിന്നും പ്രമുഖ താരങ്ങൾ അടക്കം മുൻ പരിശീലകരും പിന്മാറുന്നു എന്നാണ് ഇപ്പോൾ കിട്ടുന്ന വിവരങ്ങൾ. അടുത്ത തവണ ഡൽഹി ക്യാപിറ്റൽസിൽ നിന്നും പരിശീലന കുപ്പായത്തിൽ റിക്കി പോണ്ടിങ്ങിനെ കാണാൻ സാധിക്കില്ല.
ഇപ്പോൾ കിട്ടുന്ന റിപ്പോർട്ടുകൾ അനുസരിച്ച് ഡൽഹി ക്യാപിറ്റൽസ് വിട്ട് റിഷഭ് പന്ത് ചെന്നൈ സൂപ്പർ കിങ്‌സിലോട്ട് പോകാൻ സാധ്യത ഉണ്ടെന്നാണ് അറിയാൻ കഴിയുന്നത്. ചെന്നൈ ടീമുമായി താരം കൂടിക്കാഴ്ച നടത്തി. കൂടാതെ കെ എൽ രാഹുൽ തന്റെ ടീം ആയ ലക്‌നൗ സൂപ്പർ ജയ്ൻറ്റ്സ് വിട്ട് പഴയ ടീം ആയ ആർസിബിയിലേക്ക് പോകും എന്നും അറിയാൻ സാധിച്ചു. സൂര്യ കുമാർ യാദവ് കൊൽക്കത്തയിലേക്കും, രോഹിത് ശർമ്മ ഡൽഹിയിലേക്കും കൂടെ ചേക്കേറാൻ സാധ്യത ഉണ്ടെന്നും അറിയപ്പെടുന്നു. ഹാര്‍ദിക് പാണ്ഡ്യയെ മുംബൈ സ്വന്തമാക്കിയതുപോലെ ലേലത്തിന് മുമ്പ് തന്നെ ഈ കൂടു മാറ്റങ്ങള്‍ നടത്താനാണ് ടീമുകളും താരങ്ങളും പദ്ധതിയിടുന്നത്.
എന്നാൽ ഇതിനെതിരെ വിലക്ക് ഏർപ്പെടുത്തിയിരിക്കുകയാണ് ബിസിസിഐ. മുൻപത്തെ പോലെ താരങ്ങൾക്ക് ലേലത്തിന് മുൻപ് വേറെ ഒരു ടീമിലേക്കും ജോയിൻ ചെയ്യാൻ സാധിക്കില്ല. താരങ്ങളെ ലേലത്തിലൂടെ ഏത് ടീം വിലയ്ക്ക് മേടിക്കുന്നുവോ ആ ടീമിലേക്ക് മാത്രമേ അവർക്ക് ജോയിൻ ചെയ്യാൻ സാധിക്കൂ. ഇന്നലെ ബിസിസിഐ ഐപിഎൽ ടീമുകളുടെ മാനേജ്‌മെന്റ് ആയിട്ട് കൂടിക്കാഴ്ച നടത്തിയിരുന്നു. അതിലാണ് ഈ തീരുമാനങ്ങൾ അറിയിച്ചത്. എന്തായാലും ഏതൊക്കെ താരങ്ങളെ റീട്ടൈൻ ചെയ്യണം ഏതൊക്കെ താരങ്ങളെ റിലീസ് ചെയ്യണം എന്ന ചർച്ചയിലാണ് എല്ലാ ടീമുകളും. അടുത്ത വർഷം ഫെബ്രുവരിയിൽ ആണ് മെഗാ താരലേലം നടത്താൻ നിശ്ചയിച്ചിരിക്കുന്നത്.