ഇന്ത്യയുടെ വെറ്ററൻ ലെഗ് സ്പിന്നർ യുസ്‌വേന്ദ്ര ചാഹൽ സ്റ്റാൻഡ്-അപ്പ് കോമേഡിയൻ സമയ് റെയ്‌നയുടെ ഇന്ത്യാസ് ഗോട്ട് ലാറ്റൻ്റ് ഷോയുടെ ഭാഗമാകാൻ ഒരുങ്ങുന്നു. ഷോയുടെ വരാനിരിക്കുന്ന എപ്പിസോഡിൽ ക്രിക്കറ്റ് താരം പാനൽ ലിസ്റ്റിൽ ഒരാളായിരിക്കും. കഴിഞ്ഞ ദിവസം, സമയ് ഷോയുമായി ബന്ധപ്പെട്ട് ഒരു ഇൻസ്റ്റാഗ്രാം സ്റ്റോറി പങ്കിട്ടു. താനും ഷോയിൽ പങ്കെടുക്കും എന്നാണ് ചഹാൽ മറുപടിയായി എഴുതിയത്.
തൻ്റെ ഷോയിലേക്ക് ചാഹലിനെ ക്ഷണിച്ചുകൊണ്ട് സമയ് തൻ്റെ ഇൻസ്റ്റാഗ്രാം സ്റ്റോറിയിൽ ഇങ്ങനെ എഴുതി:
” നിങ്ങൾ ക്രിക്കറ്റ് മാച്ച് കളിക്കാത്തപ്പോൾ ഞാൻ നിങ്ങളെ വിളിക്കും. അടിസ്ഥാനപരമായി നിങ്ങൾക്ക് എപ്പോൾ വേണമെങ്കിലും വരാം സർ.” അദ്ദേഹം കുറിച്ചു.
ചഹാൽ ഷോയിൽ പങ്കെടുക്കും എന്ന് തന്നെയാണ് ഇപ്പോൾ പുറത്ത് വരുന്ന റിപ്പോർട്ടുകൾ.
ക്രിക്കറ്റിൽ, യുസ്‌വേന്ദ്ര ചാഹൽ ഇപ്പോൾ നടന്നുകൊണ്ടിരിക്കുന്ന രഞ്ജി ട്രോഫി 2024-ൽ പങ്കെടുക്കുന്നു. ഈ സീസണിൽ ഇതുവരെ ഒരു വിക്കറ്റ് പോലും അദ്ദേഹം നേടിയിട്ടില്ലെങ്കിലും, ഫസ്റ്റ് ക്ലാസ് ക്രിക്കറ്റിലെ തൻ്റെ എക്കാലത്തെയും ഉയർന്ന സ്‌കോർ അദ്ദേഹം രേഖപ്പെടുത്തി, 48 റൺസ് അദ്ദേഹം സ്വന്തമാക്കി.