ഇന്ത്യൻ ടീം വരാനിരിക്കുന്ന ബോർഡർ-ഗവാസ്‌കർ ട്രോഫിക്കുള്ള (BGT 2024-25) ഒരുക്കങ്ങൾ പെർത്തിലെ WACA യിൽ നടന്ന പരിശീലനത്തോടെ ആരംഭിച്ചു. എന്നിരുന്നാലും, ഓസ്‌ട്രേലിയയിൽ ഏറെ പ്രതീക്ഷയോടെ കാത്തിരിക്കുന്ന അഞ്ച് മത്സര ടെസ്റ്റ് പരമ്പരയിലെ ഇന്ത്യയുടെ ആദ്യ പരിശീലന സെഷനിൽ വെറ്ററൻ ബാറ്റർ വിരാട് കോഹ്‌ലി മാറി നിന്ന് എന്നതാണ് ഏറ്റവും ശ്രദ്ധിക്കേണ്ട കാര്യം.
പെർത്തിലെ ഒപ്റ്റസ് സ്റ്റേഡിയത്തിൽ നവംബർ 22 ന് ആരംഭിക്കുന്ന ഏറെ പ്രതീക്ഷയോടെ കാത്തിരിക്കുന്ന ടെസ്റ്റ് പരമ്പരയ്ക്ക് മുന്നോടിയായി ഓസ്‌ട്രേലിയയിൽ എത്തുന്ന ആദ്യ ഇന്ത്യൻ സംഘത്തിൽ കോഹ്‌ലിയും ഉണ്ടായിരുന്നു. എന്താണ് കോഹ്‌ലി പരിശീലനത്തിന് ഇറങ്ങാത്തത് എന്ന കാര്യത്തിൽ ഇതുവരെ വ്യക്തത ഇല്ല.
ഫോർബ്‌സ് ക്രിക്കറ്റ് ജേണലിസ്റ്റ് എക്‌സിൽ പങ്കിട്ട ഒരു വീഡിയോയിൽ, ഓസ്‌ട്രേലിയയിൽ ആദ്യമായി പരിശീലിച്ച ബാറ്റർമാരിൽ റിഷഭ് പന്തും യശസ്വി ജയ്‌സ്വാളും ഉൾപ്പെടുന്നു. എന്നാൽ, ഓസ്‌ട്രേലിയയിൽ എത്തിയ ആദ്യ ബാറ്റ്‌സ്മാൻ ആയിരുന്നിട്ടും പരിശീലന സെഷനിൽ വിരാട് കോഹ്‌ലിയെ കണ്ടില്ല.
പെർത്തിലെ ഉദ്ഘാടന മത്സരത്തിനുള്ള പിച്ച് പരമ്പരാഗത പെർത്തിലെ വിക്കറ്റുകൾ പോലെ ഫാസ്റ്റ് ബൗളർമാർക്ക് മികച്ച പേസും ബൗൺസും നൽകുമെന്ന് പ്രതീക്ഷിക്കുന്നു. ആരാധകർക്ക് പരിശീലനം കാണാനുള്ള അനുവാദം ഉണ്ടായിരുന്നില്ല.