ഇന്ത്യയ്ക്ക് മേല്‍ അനായാസം മേല്‍ക്കെ നേടാമെന്ന തന്റെ അഭിപ്രായ പ്രകടനത്തില്‍ പരിതപിച്ച് ഇംഗ്ലണ്ട് പരിശീലകന്‍ ക്രിസ് സില്‍വര്‍വുഡ്. ഇന്ത്യക്ക് സമ്മര്‍ദ്ദം നല്‍കാന്‍ ഇംഗ്ലണ്ടിനായില്ലെന്നും എങ്ങനെ തിരിച്ചടിക്കണമെന്ന് ഇന്ത്യയ്ക്ക് നന്നായി അറിയാമെന്നും സില്‍വര്‍വുഡ് പറഞ്ഞു.
‘സത്യസന്ധമായി പറഞ്ഞാല്‍ ഇന്ത്യക്ക് സമ്മര്‍ദ്ദം നല്‍കാന്‍ ഇംഗ്ലണ്ടിനായില്ല. ഡ്രസിംഗ് റൂമില്‍ സംസാരിച്ച പദ്ധതികള്‍ നടപ്പിലാക്കുന്നതില്‍ ഞങ്ങള്‍ പരാജയപ്പെട്ടു. ആദ്യ ഇന്നിംഗ്സില്‍ 191 റണ്‍സിന് ഇന്ത്യയെ ഓള്‍ഔട്ടാക്കാന്‍ സാധിച്ചു. എന്നാല്‍ ലീഡ് 99 റണ്‍സ് മാത്രമാണ് നേടിയത്.’
‘190ന് മുകളില്‍ ഒന്നാം ഇന്നിംഗ്സ് ലീഡ് നേടാന്‍ ഞങ്ങള്‍ക്ക് സാധിച്ചിരുന്നെങ്കില്‍ സമ്മര്‍ദ്ദം സൃഷ്ടിക്കാന്‍ സാധിക്കുമായിരുന്നു. എന്നാല്‍ അവിടെയും അഭിനന്ദനം ഇന്ത്യ അര്‍ഹിക്കുന്നു. എങ്ങനെ തിരിച്ചടിക്കണമെന്ന് അവര്‍ക്കറിയാം’ സില്‍വര്‍വുഡ് പറഞ്ഞു.