ശാര്‍ദുല്‍ താക്കൂറിനും പ്രസിദ്ധ് കൃഷ്ണയ്ക്കുമൊപ്പം ഇറങ്ങിയതാണ് ഇന്ത്യയ്ക്ക് തെറ്റ് പറ്റിയതെന്ന് പാകിസ്ഥാന്‍ മുന്‍ ക്യാപ്റ്റന്‍ സല്‍മാന്‍ ബട്ട്. ബോക്സിംഗ് ഡേ ടെസ്റ്റില്‍ അര്‍ഷ്ദീപ് സിംഗിന് ഇവരേക്കാള്‍ മുന്‍ഗണന നല്‍കേണ്ടതായിരുന്നുവെന്ന് അദ്ദേഹം പറഞ്ഞു. സെഞ്ചൂറിയനിലെ സൂപ്പര്‍സ്പോര്‍ട്ട് പാര്‍ക്കില്‍ നടന്ന മത്സരത്തില്‍ ദക്ഷിണാഫ്രിക്ക ഇന്നിംഗ്സിനും 32 റണ്‍സിനും ജയിച്ചിരുന്നു.
ശാര്‍ദുല്‍ താക്കൂറിനെയും പ്രസിദ്ധ് കൃഷ്ണയെയും ഒരുമിച്ച് കളിപ്പിക്കുന്നതിന് പകരം അര്‍ഷ്ദീപ് സിംഗിനെ ടീമില്‍ എടുക്കുന്നതാണ് നല്ലത്. അവന്‍ കൂടുതല്‍ വേഗതയില്‍ പന്തെറിയുകയും പന്ത് രണ്ട് വഴികളിലും സ്വിംഗ് ചെയ്യുകയും ചെയ്യും. ആദ്യ ടെസ്റ്റില്‍ അദ്ദേഹം സ്വാധീനം ചെലുത്തിയിരുന്നേക്കാം. പ്രസിദ്ധ് കൃഷ്ണയും ശാര്‍ദുല്‍ താക്കൂറും ഒരുപാട് ബൗണ്ടറികള്‍ വഴങ്ങി- സല്‍മാന്‍ ബട്ട് പറഞ്ഞു.
ബാറ്റര്‍മാര്‍ക്ക് വെല്ലുവിളി നിറഞ്ഞ പിച്ചില്‍ ദക്ഷിണാഫ്രിക്കന്‍ സീമര്‍മാര്‍ സൃഷ്ടിച്ച തീപ്പൊരി ഇന്ത്യന്‍ ബോളര്‍മാര്‍ക്ക് ഇല്ലായിരുന്നു. അരങ്ങേറ്റക്കാരന്‍ പ്രസിദ്ധ് കൃഷ്ണ അധികം റണ്‍സ് വഴങ്ങി. ശാര്‍ദുല്‍ താക്കൂറും ഇതില്‍ പിന്നിലായിരുന്നില്ല.
അതേസമയം ഓസ്ട്രേലിയയ്ക്കെതിരായ ഐസിസി ലോകകപ്പ് ഫൈനലിലെ തോല്‍വിയില്‍നിന്ന് രോഹിത് ശര്‍മ മുന്നേറിയെന്നും ബട്ട് കൂട്ടിച്ചേര്‍ത്തു.’രോഹിത് തന്റെ കരിയറിന്റെ അവസാനത്തോട് അടുക്കുന്ന ഒരു വലിയ കളിക്കാരനാണ്. അദ്ദേഹം ഒരുപാട് നേട്ടങ്ങള്‍ കൈവരിച്ചിട്ടുണ്ട്. ലോകകപ്പ് ഫൈനല്‍ തോല്‍വിയില്‍നിന്ന് അദ്ദേഹം വിജയിച്ചുവെന്ന് എനിക്ക് ഉറപ്പുണ്ട്- ബട്ട് കൂട്ടിച്ചേര്‍ത്തു.
