Connect with us
https://southlive.in/wp-content/uploads/2018/08/728-x-90-pix.jpg

CRICKET

ചരിത്രം രചിച്ച് ഇന്ത്യ;ദക്ഷിണാഫ്രിക്കയില്‍ ആദ്യ പരമ്പര വിജയം

, 12:17 am

ദക്ഷിണാഫ്രിക്കയില്‍ ചരിത്രം രചിച്ച് ഇന്ത്യ. ആതിഥേയരെ 73 റണ്‍സിന് തകര്‍ത്തുകൊണ്ടാണ് ഇന്ത്യ ദക്ഷാണാഫ്രിക്കയില്‍ പരമ്പര വിജയം നേടിയത്.

ഇന്ത്യയുടെ 274 റണ്‍സെന്ന വിജയ ലക്ഷ്യം പിന്തുടര്‍ന്ന ദക്ഷിണാഫ്രിക്കയക്ക്‌ ഇന്നിംഗ്സ് 201 റണ്‍സിന് അവസാനിക്കുകയായിരുന്നു. ദക്ഷിണാഫ്രിക്കയ്ക്കു വേണ്ടി അല്പമെങ്കിലും പോരാടിയത് ഹാഷിം അംലയായിരുന്നു. 71 റണ്‍സാണ് താരം നേടിയത്.

നിശ്ചിത 50 ഓവറില്‍ 7 വിക്കറ്റ് നഷ്ടത്തില്‍ 274 റണ്‍സാണ് ഇന്ത്യ നേടിയത്. 17ാം ഏകദിന സെഞ്ചുറി നേടിയ ഓപ്പണര്‍ രോഹിത് ശര്‍മ്മയുടെ ബാറ്റിംഗ് മികവിലാണ് ഇന്ത്യ ഭേദപ്പെട്ട സ്‌കോറിലെത്തിയത്.

അവസാന ഓവറുകളില്‍ ഇന്ത്യയുടെ ബാറ്റ്‌സ്മാന്‍മാര്‍ പരാജയപ്പെട്ടതാണ് സ്‌കോര്‍ 274 ല്‍ ഒതുങ്ങാന്‍ കാരണമായത്. അവസാന 7 ഓവറുകളില്‍ നിന്നായി ഇന്ത്യ നേടിയത് 38 റണ്‍സ് മാത്രമാണ്.

ലുംഗിസാനി എല്‍ഗിഡി നാല് വിക്കറ്റ് നേടിയപ്പോള്‍ റബാഡയ്ക്ക് ഒരു വിക്കറ്റ് ലഭിച്ചു. 2 റണ്‍ ഔട്ടുകളുണ്ടായതും ഇന്ത്യയ്ക്ക് തിരിച്ചടിയായി.

ദക്ഷിണാഫ്രിക്കന്‍ പേസ്‌ബോളര്‍ എങ്കിടിയുടെ ബോളില്‍ പുറത്താവുമ്പോള്‍ രോഹിത്തിന്റെ വക 115 റണ്‍ പിറന്നിരുന്നു. 126 ബോളുകളില്‍ നിന്ന് 11 ഫോറും 4 സിക്‌സുമടങ്ങുന്നതാണ് രോഹിത്തിന്റെ ഇന്നിംഗ്‌സ്. ദക്ഷിണാഫ്രിക്കയ്ക്കെതിരെ നടക്കുന്ന പരമ്പരയില്‍ മോശം ഫോം കൊണ്ട് ഏറെ വിമര്‍ശനങ്ങളാണ് രോഹിത് ശര്‍മ്മ നേരിട്ടത്. 20, 15, 0, 5 എന്നിങ്ങനെയാണ് പരമ്പരയിലെ ഇതുവരെയുള്ള രോഹിത് ശര്‍മ്മയുടെ സ്‌കോര്‍

Advertisement