അഡ്‌ലെയ്ഡിലെ പരിശീലന സെഷനിൽ പൊതുജനങ്ങളുടെ പെരുമാറ്റത്തിൽ അതൃപ്തി പ്രകടിപ്പിച്ച ടീം ഇന്ത്യ, 2024-25 ബോർഡർ-ഗവാസ്‌കർ പരമ്പരയുടെ ബാക്കിയുള്ള ഓപ്പൺ ട്രെയിനിംഗ് സെഷനുകൾക്ക് വിലക്ക് ഏർപ്പെടുത്തിയിരിക്കുന്നു. ഇന്ത്യ നെറ്റ്സിൽ പരിശീലനം നടത്തുന്നത് കാണാൻ 5,000-ത്തോളം ആളുകൾ ഒഴുകിയെത്തിയിരുന്നു, എന്നാൽ നിരന്തരമായ സംഭാഷണങ്ങളും ഫോട്ടോകൾക്കായുള്ള ആവർത്തിച്ചുള്ള അഭ്യർത്ഥനകളും മാനേജ്മെൻ്റിനെ കടുത്ത തീരുമാനങ്ങൾ എടുക്കുന്നതിലേക്ക് നയിച്ചു.
മറുവശത്ത്, ഓസ്‌ട്രേലിയ അവരുടെ പരിശീലന സെഷനുകൾ പൊതുജനങ്ങൾക്കായി തുറന്നിരിക്കുന്നത് തുടരും, അതേസമയം ഇന്ത്യൻ പരിശീലന ദിനചര്യകളിൽ മാധ്യമ പ്രവർത്തകർക്ക് മാത്രമേ കാണാൻ അനുമതിയുള്ളൂ.
“ഇന്ത്യൻ ക്രിക്കറ്റ് കൺട്രോൾ ബോർഡിൽ നിന്നുള്ള നിർദേശപ്രകാരം അവർ പൊതുജനങ്ങൾക്ക് ഇനി മുതൽ പരിശീലന സെക്ഷനിൽ അവസരം നൽകില്ല. ആരാധകർ താരങ്ങളെ ബുദ്ധിമുട്ടിക്കുന്. അവരോടുകൂടി ചിത്രം എടുക്കാനും വീഡിയോ എടുക്കാനും ഒകെ ശ്രമിച്ചാൽ ശ്രദ്ധ പോകും. അതിനാൽ ഇനി താരങ്ങൾക്ക് ബുദ്ധിമുട്ട് ഉണ്ടാക്കുന്ന പ്രവർത്തികൾ ചെയ്യാൻ സമ്മതിക്കില്ല ” ഒരു റിപ്പോർട്ടിൽ പറഞ്ഞു
കളിക്കാരും ആരാധകരും തമ്മിൽ പ്രശ്നങ്ങൾ ഉണ്ടായതിന്റെ റിപ്പോർട്ടുകൾ ഇതുവരെ പുറത്തുവന്നിട്ടില്ലെങ്കിലും, കാര്യങ്ങൾ വഷളാകുന്നതിന് മുമ്പ് ഇന്ത്യ തീരുമാനം എടുത്ത് കഴിഞ്ഞു. 2011-12 ലെ ഓസ്‌ട്രേലിയൻ പര്യടനത്തിനിടെ, മെൽബണിൽ ഒരു നെറ്റ് സെഷനിൽ രോഹിത് ശർമ്മയും പ്രവീൺ കുമാറും ആരാധകനുമായി കടുത്ത തർക്കത്തിൽ ഏർപ്പെട്ടിരുന്നു.