Connect with us
https://southlive.in/wp-content/uploads/2018/08/728-x-90-pix.jpg

CRICKET

ഹാഷിം അംലയുടെ റണ്ണൗട്ട്, വിവാദം കത്തുന്നു!

, 2:30 pm

ഇന്ത്യയ്‌ക്കെതിരെ അഞ്ചാം ഏകദിനത്തില്‍ ദക്ഷിണാഫ്രിക്കയെ പരാജയത്തിലേക്ക് തള്ളിവിട്ടത് ഹാഷിം അംലയുടെ റണ്ണൗട്ടായിരുന്നു. ദക്ഷിണാഫ്രിക്ക വിജയത്തിലേക്കെത്തും എന്ന് തോന്നിച്ച ഘട്ടത്തിലായിരുന്നു ആ റണ്ണൗട്ട് പിറന്നത്.

എന്നാല്‍ ആ റണ്ണൗട്ടിനെ ചൊല്ലി ക്രിക്കറ്റ് ലോകത്ത് വലിയ ചര്‍ച്ച നടക്കുകയാണ്. അംല ക്രീസില്‍ തൊട്ടുവെന്ന് ഒരു വിഭാഗം ആരാധകര്‍ വാദിക്കുമ്പോള്‍ അംലയുടെ പുറത്താകല്‍ അമ്പയര്‍മാരുടെ കൃത്യമായ തീരുമാനമാണെന്നാണ് മറ്റൊരു വിഭാഗം പറയുന്നത്. ഇതിനെ സംബന്ധിച്ച് സോഷ്യല്‍ മീഡിയയില്‍ ആരാധകര്‍ തമ്മില്‍ രൂക്ഷമായ വാക്‌പോര് നടക്കുന്നുണ്ട്.

മത്സരത്തിന്റെ മുപ്പത്തിയഞ്ചാം ഓവറില്‍ ആണ് അംല റണ്ണൗട്ടായത്. ദക്ഷിണാഫ്രിക്കന്‍ സ്‌കോര്‍ അപ്പോള്‍ 167/4 എന്ന നിലയിലായിരുന്നു. ഭുവനേശ്വര്‍കുമാറിന്റെ പന്തില്‍ അംല മിഡ് ഓഫിലേക്ക് അടിച്ച പന്തില്‍ അതിവേഗ സിംഗിളിന് ശ്രമിച്ചത്. ദക്ഷിണാഫ്രിക്കന്‍ ടീമിലെ അതിവേഗക്കാരനല്ലാത്ത അംലയ്ക്ക് പക്ഷെ ഹര്‍ദ്ദീക് പാണ്ഡ്യയുടെ അതിവേഗത്തിനും കൃത്യതയ്ക്കും മുമ്പില്‍ പിഴക്കുകയായിരുന്നു.

അംലയുടെ ബാറ്റ് ക്രീസിലെത്തും മുമ്പെ പാണ്ഡ്യയുടെ നേരിട്ടുള്ള ത്രോ വിക്കറ്റ് തെറിപ്പിച്ചു. റീപ്ലേ കാണുന്നതുവരെ അത് ഔട്ടാണെന്ന് ഇന്ത്യന്‍ താരങ്ങള്‍പോലും വിശ്വാസിച്ചില്ല. പക്ഷെ റീപ്ലേയില്‍ അംലയുടെ ബാറ്റ് മില്ലി മീറ്റര്‍ വ്യത്യാസത്തില്‍ പുറത്താണെന്ന് വ്യക്തമായതോടെ ഇന്ത്യന്‍ താരങ്ങള്‍ ആവേശഭരിതരായി.

കളിയുടെ ഗതി മാറ്റിമറിച്ച റണ്ണൗട്ടായിരുന്നു അത്. വിജയത്തിലക്ക് 15 ഓവറില്‍ 100 റണ്‍സിലേറേ അകലമേ അപ്പോള്‍ ഉണ്ടായിരുന്നുള്ളു. അംല വീണതോടെ പിന്നീടെല്ലാം പെട്ടെന്ന് കഴിഞ്ഞു. ഇന്ത്യ 73 റണ്‍സിന് വിജയിച്ച് ചരിത്രമെഴുതുകയും ചെയ്തു.

Advertisement