ഇന്ത്യയും ഓസ്ട്രേലിയയും തമ്മിലുള്ള രണ്ടാം ഏകദിനത്തിനിടെ കാണികള്‍ക്ക് കൗതുകം പകര്‍ന്ന് ഗാലറിയിലെ പ്രൊപ്പോസല്‍ രംഗം. സിഡ്‌നി ക്രിക്കറ്റ് ഗ്രൗണ്ടില്‍ നടന്ന മത്സരത്തിനിടെ ഇന്ത്യക്കാരനായ ക്രിക്കറ്റ് ആരാധകന്‍ ഓസ്‌ട്രേലിയന്‍ യുവതിയോട് വിവാഹാഭ്യര്‍ത്ഥന നടത്തിയതും യുവതി അതിന് സമ്മതം മൂളുന്നതുമായ വീഡിയോ ഇതിനോടകം വൈറലായിരിക്കുകയാണ്.
ഇന്ത്യന്‍ ഇന്നിംഗ്‌സ് 20 ഓവര്‍ പിന്നിട്ടപ്പോഴാണ് ഗാലറിയിലെ പ്രണയ സാഫല്യ നിമിഷം. ഓസ്‌ട്രേലിയന്‍ ആരാധികയ്ക്കു മുന്നിലെത്തി മുട്ടുകുട്ടി നിന്ന് ഇന്ത്യന്‍ ആരാധകന്‍ വിവാഹമോതിരം നീട്ടികയായിരുന്നു. യുവതി പ്രൊപ്പോസല്‍ സ്വീകരിച്ചതോടെ ഗാലറിയിലും സന്തോഷം അലയടിച്ചു.
ഓസീസ് താരം ഗ്ലെന്‍ മാക്‌സ്‌വെല്ലും പ്രണയരംഗം കൈയടിച്ച് പാസാക്കി. മാക്സ്വെല്ലിന്റെ ഭാര്യയും ഇന്ത്യന്‍ വംശജയാണ്. കോവിഡ് വ്യാപനത്തിന്റെ പശ്ചാത്തലത്തില്‍ നിയന്ത്രണങ്ങളോടെ മത്സരം കാണാന്‍ ഓസ്‌ട്രേലിയയില്‍ ആരാധകര്‍ക്ക് അനുമതി നല്‍കിയിട്ടുണ്ട്.
ഇന്നലെ നടന്ന നിര്‍ണായക മത്സരത്തിലും തോറ്റ ഇന്ത്യ മൂന്നു മത്സരങ്ങടങ്ങിയ ഏകദിന പരമ്പര കൈവിട്ടു. ഓസീസ് മുന്നോട്ടുവെച്ച 390 റണ്‍സിന്റെ കൂറ്റന്‍ വിജയലക്ഷ്യത്തിലേക്ക് ബാറ്റേന്തിയ ഇന്ത്യയ്ക്ക് നിശ്ചിത ഓവറില്‍ 9 വിക്കറ്റ് നഷ്ടത്തില്‍ 338 റണ്‍സെടുക്കാനേ ആയുള്ളു. 51 റണ്‍സിന്റെ തോല്‍വി. ആദ്യ മത്സരത്തില്‍ 66 റണ്‍സിനായിരുന്നു ഓസീസിന്റെ വിജയം.